close
Եղանակը Երևանում
13 Նոյեմբերի 2019
+11°
+12°Ցերեկ
+2°Գիշեր
weather
close
Փոխարժեք
13 Նմբ 2019
USD1477.40
GBP1612.93
EUR1526.81
RUB17.46
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արարատի մարզում արագիլների մասսայական անկման դեպքի առթիվ ստուգվում են տնտեսավարող սուբյեկտներից արտահոսող կեղտաջրերը

Հասարակություն

22 Հուլիսի 2019, 10:34
 Արարատի մարզում արագիլների մասսայական անկման դեպքի առթիվ ստուգվում են տնտեսավարող սուբյեկտներից արտահոսող կեղտաջրերը

Վերջին մեկ շաբաթվա ընթացքում հասարակությունն ահազանգում է Արարատի մարզի Հովտաշեն գյուղում արագիլների անկման մասին, որի պատճառը թռչունների փետուրների յուղով պատված լինելն է, ինչի հետեւանքով թռչունները չեն կարողացել թռչել եւ սատկել են, հաղորդում է «ԷկոԼուրը»:

Արարատի մարզի Հովտաշեն համայնքից Տեսչական մարմնի աշխատակիցները յուղոտված փետուրներով մեկ արագիլ են տեղափոխել ԳԱԱ Կենդանաբանության հիդրոէկոլոգիայի գիտական կենտրոն ՊՈԱԿ: Պարզվել է, որ առանձնյակն ամբողջությամբ պատված է եղել կեղտի ու ճենճի հաստ շերտով: Այս մասին իր էջում հայտնել է Լյուբա Բալյանը՝ Կենդանաբանության հիդրոէկոլոգիայի գիտական կենտրոն ՊՈԱԿ-ից:

«Թռչնի ընդհանուր փետրավորման 80%-ը՝ հատկապես վերին ծածկող փետուրները, գլուխ, վիզ, առավել նվազ՝ թափահարողները ծածկված են յուղանյութով, ապա փոշիով: Առանձնյակը բավականին առողջ ու առույգ էր, սակայն փետուրների միահյուսվածության, դրանց վրա կուտակված փոշու, այնուհետեւ կոշտ շերտի ձեւավորման պատճառով այն չի թռչում: Փետուրների արտաքին զննման արդյունքում պարզվեց, որ փետուրների վրա ոչ թե տեխնիկական յուղանյութ է, այլ պարենային՝ սննդամթերքի արտադրության մեջ օգտագործվող բուսական կամ կենդանական ծագում ունեցող յուղ»,- գրել է նա:

Պարզվել է նաեւ, որ Հովտաշեն գյուղում արագիլների գրեթե 70%-ը գտնվում էր նույն վիճակում:

Այս իրավիճակը կարելի է որակել որպես էկոլոգիական աղետ: Անհրաժեշտ է շտապ հայտնաբերել, թե որ ձեռնարկությունից է տեղի ունեցել նման արտահոսք եւ կանչել քրեական պատասխանատվության:

Ներկայում Բնապահպանության եւ ընդերքի տեսչական մարմինը Հրազդան գետի եւ Արարատի մարզի Հովտաշեն համայնքին հարող ցամաքուրդային ջրերի նմուշառման աշատանքներ է իրականացրել՝ ջրերի աղտոտվածությունը պարզելու նպատակով: Ինչպես տեղեկանում ենք տեսչության ֆեյսբուքյան էջից, ուսումնասիրություններ են իրականացվում նաեւ տարածքում գործող տնտեսավարող սուբյեկտներից արտահոսող կեղտաջրերի մասով:

Եղանակը Հայաստանում
12 Նոյեմբերի 2019, 23:01 Եղանակը Հայաստանում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica