close
Եղանակը Երևանում
25 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
25 Օգս 2019
USD1475.99
GBP1581.09
EUR1526.40
RUB17.25
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Զարգանալ՝ չզիջելով» գաղափարն առանցքային է

Արցախ

18 Հուլիսի 2019, 21:51
 «Զարգանալ՝ չզիջելով» գաղափարն առանցքային է

Արցախի ներքաղաքական դաշտը լարված է: Հատկապես Սամվել Բաբայանի թեկնածության առաջադրման համար սահմանադրական փոփոխությունների նպատակով ստորագրահավաքը քաղաքականացրել է Արցախի յուրաքանչյուր բնակավայրի առօրյան: Լարվածությունն ակնառու է հատկապես այն բանից հետո, երբ Սամվել Բաբայանը հայտարարեց, որ չի սպասելու ստորագրահավաքից հետո օրենքով նախատեսված ընթացակարգով հարցերի զարգացմանը. դրան զուգահեռ փորձելու է իր կողմնակիցներին հրապարակում հավաքել՝ ճնշում բանեցնելու պատկան մարմինների վրա:

Նախագահական աթոռի համար մրցապայքարը շատ ավելի շուտ է սկսել՝ դեռևս 2018 թվականից: Ստեփանակերտի ավտոկայանի շրջակայքում տեղի ունեցած հավաքներից հետո գործող նախագահը հայտարարեց, որ մտադիր չէ 2020-ին առաջադրվել որպես նախագահի թեկնածու: Այդ պահից հետո նախագահի թեկնածուի փնտրտուքը թե՛ պետական օղակներում, թե՛ հասարակության մոտ նկատելի էր: Մասամբ ընկալելի էր նման փնտրտուքի պատճառները: Դա բխում է պետական համակարգի կենտրոնաձիգ էությունից, իսկ գործող Սահմանադրությամբ այդ կենտրոնացվածությունն ավելի է շեշտվում: Մի երևույթ, որին բազմիցս դեմ է արտահայտվել Դաշնակցությունը և զգուշացրել այդ համակարգի արդյունքում առաջացող վտանգների մասին: Ինչևէ, ունենք այն, ինչ ունենք:

Մեկ այլ հանգամանք, որի պատճառով թափ է տրվում լարվածությանը, իշխանությանը մաս կազմող ղեկավար անձանց պատասխանատվությունից խուսափելն է: Ապրիլյան իրադարձությունները առիթ տվեցին, որ արմատական բարեփոխումներ իրականացվեն: Սակայն իշխանությունը չփորձեց լրջությամբ իրականացնել բարեփոխումներ: Մեզ համար անհասկանալի է, երբ տարիներ շարունակ կառավարության ղեկը ստանձնած և Ազգային ժողովում մեծամասնություն ունեցող կուսակցության ղեկավարը բարեփոխումների իրականացման շեմին հրաժարական է տալիս և ուղղակի կամ անուղղակի կերպով սկսում քննադատել իշխանությանը: Այդ երևույթը ստեղծել է իշխանության տրոհման մթնոլորտ, որից հնարավորություն ունի օգտվել յուրաքանչյուրը:

Վերջին ամիսներին ականատես եղանք նաև իշխանությունը ներկայացնող տարբեր անձանց՝ նախագահի թեկնածու առաջադրվելու մտայնության մասին հայտարարություններին, որոնք տարբեր հարթակներում քննարկումների նյութ դարձան: Սա ևս անորոշությունն ու տրոհման մթնոլորտը ավելի շեշտակի դարձրեց: Սամվել Բաբայանի կողմից կազմակերպված ստորագրահավաքի մասնակիցները առավելապես դժգոհ են իշխանությունների վարած սոցիալական քաղաքականությունից, որի ալիքի վրա հենվելով՝ Ս. Բաբայանը կարողացել է զգալի չափով ստորագրություններ հավաքել: Մյուս ճամբարում ստեղծված անորոշությունն ու տրոհման մթնոլորտը անուղղակիորեն թափ հաղորդեցին ստորագրահավաքի կազմակերպմանը:

Դաշնակցության համար, որպես կայուն զարգացման կարևորագույն ազդակ, առաջնային է օրենքի գերակայությունը: Արցախում քաղաքական անցյալ ունեցող յուրաքանչյուր անձ դեռևս չի մոռացել Սամվել Բաբայանի իշխանության օրոք ստեղծված ապօրինությունների մթնոլորտն ու պետականության հիմքերը խարխլող երևույթները: Մեր երկրում տիրող իրավիճակը մտահոգիչ է:

ՀՅԴ Արցախի 24-րդ Շրջանային ժողովը քննարկել է ստեղծված իրավիճակը և ներկայացրել հանգուցալուծման իր տեսլականը: Դաշնակցության համար «Զարգանալ՝ չզիջելով» գաղափարն առանցքային է: Առանցք, որի շուրջ կոչ է անում համախմբվել, կոչ է անում՝ ձերբազատվել անհատական և նեղ շրջանակային շահերից և միասնական օրակարգ ձևավորել հիմնական հարցերի շուրջ:

«Ապառաժ»-ի խմբագրական

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica