close
Եղանակը Երևանում
17 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
17 Օգս 2019
USD1475.92
GBP1578.43
EUR1527.46
RUB17.22
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տնտեսական շահը գերակայել մարդու առողջությանը կամ շրջակա միջավայրին անթույլատրելի եմ համարում. Մերի Գալստյան

Հարցազրույց

13 Հուլիսի 2019, 11:41
 Տնտեսական շահը գերակայել մարդու առողջությանը կամ շրջակա միջավայրին անթույլատրելի եմ համարում. Մերի Գալստյան

Կանաչած Սևանի օրհասական վիճակի և խնդիրը լուծելու համար անհրաժեշտ հարցերի շորջ Yerkir.am-ը զրուցել է  «Իմ քայլը» խմբակցության պատգամավոր, ԱԺ տարածքային կառավարման, տեղական ինքնակառավարման, գյուղատնտեսության և  բնապահպանության հարցերի մշտական հանձնաժողովի անդամ Մերի Գալստյանի հետ:

 

-  Բնապահպանության և ընդերքի տեսչական մարմնի` արդեն նախկին ղեկավար Արթուր Գրիգորյանը, անդրադառնալով Սևանի խնդրին, Facebook-ի իր էջում գրել էր, որ ինչպես նախորդ, այնպես էլ ներկա իշխանություններն ամեն բան արել են հետաձգելու ու Սևանում ստուգումներ չանցկացնելու համար: Գրել է նաև, որ իշխանությունները մասնավորի հետ «կոռուպցիոն» համագործակցության մեջ են ու Սևանի հարցը լուծելու կամք չունեն: Ի՞նչ կասեք նրա մեկնաբանության մասին:

- Նախկինում կառավարման հետ կապված խնդիրներ եղել են, հիմա էլ դրանք որոշակիորեն շարունակվում են: Ինչ վերաբերում է պատճառահետևանքային կապին՝ տեսչական մարմնի նախկին ղեկավարի՝ պաշտոնից ազատմանն ու Սևանի հարցին, ապա կարծում եմ, որ եթե այդպիսի պատճառահետևանքային կապ են տեսնում կամ նման խախտումների մեջ վստահ են, պարզապես պետք է դիմել իրավապահ մարմիններին՝ տրամադրելով համապատասխան տեղեկատվություն: Ես չեմ ցանկանա այս պահին մեկնաբանություն անել այդ մասով:

- Հնարավո՞ր եք համարում, որ իշխանությունները տնտեսական շահը վեր դասեն բնապահպանական խնդիրներից:

- Բազմիցս լսել եք վարչապետ Նիկոլ Փաշինյանի այն հայտարարությունը, որ տնտեսական որևէ շահ չի կարող գերակա լինել մեր առողջության ու շրջակա միջավայրի նկատմամբ: Ու հենց այդ ուղեծրից, սկզբունքից ելնելով էլ՝ պետք է հավասարակշռված գործունեություն ծավալել, որոշումներ կայացնել: Տնտեսական շահը մարդու առողջությանը կամ շրջակա միջավայրին գերակայելը ես անձամբ՝ որպես պատգամավոր, անթուլատրելի եմ համարում:

 - Օրինակ՝ երբ հարց բարձրացվի, որ պետք է վերջ տալ ցանցային ձկնարդյունաբերությանը, անձամբ Ձեր դիրքորոշումն ինչպիսի՞ն կլինի:

- Նախևառաջ ամբողջ խնդիրն խորությամբ ուսումնասիրելու անհրաժեշտություն ունեմ և, այդ ուսումնասիրությունից հետո ամբողջությամբ ծանոթանալով խնդրին, կարող եմ կոնկրետ տեսակետ հայտնել: Ես բացառապես շարժվում եմ այն սկզբունքով, որ տնտեսական որևէ գործունեություն կամ ցանկացած եկամուտ չի կարող գերակա լինել ՀՀ քաղաքացու առողջության կամ շրջակա միջավայրի պահպանության նկատմամբ:

-  Ռիսկեր չե՞ք տեսնում, որ Սևանի այսպիսի վիճակը կարող է վանել զբոսաշրջիկներին կամ հավանական ներդրողներին:

-Իհարկե, ռիսկեր կարող են լինել, ու շատ եմ ցավում, որ այս իրավիճակի ականատեսն ենք, որն առաջին անգամ չէ, որ տեղի է ունենում: Այս պահին ինձ մնում է եզրակացնել, որ վատ կառավարման հետևանքով է, որ նման իրավիճակի ականատեսն ենք: Իրավիճակը պետք է արագ վերահսկողության տակ վերցնել, անել անհրաժեշտ միջոցառումները՝ համալիր ու ռազմավարական, կարճաժամկետ ու երկարաժամկետ, որպեսզի այդ իրավիճակը չեզոքացվի և առաջիկայում նման խնդիրներ չլինեն: Դա միանգամից կամ մեկ-երկու օրում տեղի ունեցող գործընթաց չէ, մենք գործ ունենք կենդանի օրգանիզմների ու կենդանի, բնական աշխարհի հետ, որի նկատմամբ ցանկացած միջամտություն հղի է վտանգներով: Վստահ եմ, որ կառավարության ներկաայցուցիչներն ու ԱԺ մեր հանձնաժողովի շրջանակներում ամեն բան անելու ենք, որ այդ խնդիրները լուծվեն:

- Կառավարությունը հայտարարել է, որ կանաչած Սևանի համար ցանկալի ու արդյունավետ լուծում գտնելու համար նաև միջազգային փորձագետներ են հրավիրվելու: Դրան զուգահեռ` տեսնում ենք, որ գրեթե ամեն օր հայ մասնագետներն ու գիտնականները կետ առ կետ ու ամենայն մանրամասնությամբ նշում են խնդրի առաջացման պատճառները և լուծումներ են առաջարկում: Մեր ունեցած ներուժը բավարար չէ՞, որ «դրսից մարդ ենք բերելու» ու նրանց վճարելու ենք դրա համար:

- Բացարձակապես բացասական չեմ վերաբերվում դրան:

- Չե՞ն վստահում մեր մասնագետներին:

- Գիտեք՝ վստահելու հարց չէ, միշտ էլ կարելի է հենվել նոր գիտական, փորձագիտական աջակցության վրա՝ վերջնական որոշումներ կայացնելու համար: Ես դրան միայն դրական եմ նայում ու վստահ եմ, որ տեղական փորձագետների ներուժն ու կարողությունները նույնպես  ռեալիզացվելու են: Իմ գործունեության շրջանակներում նույնպես փորձում եմ միջազգային փորձագետների աջակցությունը ստանալ ավելի լավ արդյունքներ ստանալու համար: Դա բնավ չի խանգարում ու արվում է ի լրումն մեր տեղական փորձագետների կարողությունների: Բացի այդ՝ նաև մեր փորձագետների կարողություններն են զարգանում այդպիսի հանդիպումնների ժամանակ:

Զրույցը՝ Վրույր Սևակի

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica