close
Եղանակը Երևանում
17 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
17 Հլս 2019
USD1476.45
GBP1590.89
EUR1534.43
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թագուհի Թովմասյանի կոնկրետ հայտարարության հետ համաձայն չեմ. Լիլիթ Մակունց

Հասարակություն

12 Հուլիսի 2019, 17:31
 Թագուհի Թովմասյանի կոնկրետ հայտարարության հետ համաձայն չեմ. Լիլիթ Մակունց

«Իմ քայլը» խմբակցության ղեկավար Լիլիթ Մակունցն իր իսկ խմբակցության պատգամավոր, «Ժողովուրդ» օրաթերթի նախկին խմբագիր Թագուհի Թովմասյանի` 5-րդ ալիքին տված հարցազրույցը չի դիտել, հետևաբար` չցանկացավ մեկնաբանել Yerkir.am-ի հարցը` ինչպե՞ս է գնահատում Թովմասյանի` «ունենք հանրությանը դուր գալու համար իրականացվող արդարադատություն» հայտարարությունը:

«Կոնտեքստից դուրս մեկնաբանություն անել չէի ցանկանա, եթե մենք վերցնենք առանձին միայն այդ արտահայտությունը, ապա դրա հետ համաձայն չեմ: Պետք է ծանոթ լինեմ կոնտեքստին, որ կարողանամ գնահատական հնչեցնել»,- ասաց նա:

Yerkir.am-ի մյուս հարցին` «Իմ քայլը» խմբակցությունն ի՞նչ բացթողումներ ու թերացումներ է ունեցել խորհրդարանի 7-րդ գումարումից մինչ այս պահը, պատասխանեց` պետք է շարունակենք էլ ավելի բաց լինել քաղաքացիական հասարակության ու լրագրողների համար, որովհետև կատարած աշխատանքը լավագույնս ներկայացնել կարող են բացառապես լրագրողների միջոցով:

«Այնպես որ` օբյեկտիվ իրականությունը ներկայացնելը հնարավոր է, եթե ամբողջապես բաց ենք ձեր առջև ու ձեր միջոցով ներկայացնում ենք այն: Իրավիճակի հատվածային ներկայացումը, կարծում եմ, նաև մեր մեղավորությունն է, որովհետև գուցե բավարար չափով ձեր առջև բաց չենք: Այս առնչությամբ պետք է աշխատենք անպայման: Բացի այդ` օրենսդրական նախաձեռնությունների մասով պետք է ավելի ակտիվ լինենք ու մինչև սեպտեմբեր`արձակուրդային շրջանում, առավել կենտրոնանանք օրենսդրական մեր գործառույթների վրա»,- ասաց Մակունցը:

Նա հայտեց նաև, որ թեև Ստամբուլյան կոնվենցիան դեռևս ԱԺ-ում պաշտոնապես շրջանառված չէ, բայց իրենք ուսումնասիրում են այն:

Մակունցը հերքեց լուրերը, թե իրենց խմբակցության պատգամավորները ճնշումների են ենթարկվում, որ կոնվենցիայի մասին տեսակետ չհայտնեն: «Երբ խմբակցության ներսում չի եղել քննարկում Ստամբուլյան կոնվենցիայի առնչությամբ, չի կարող լինել խմբակցության դիրքորոշում: Առանձին պատգամավորներ ձեր հարցադրումների շրջանակներում ներկայացնում են իրենց դիրքորոշումները տվյալ փաստաթղթի վերաբերյալ: Այս առումով բավականին ակտիվ են «Իմ քայլը» խմբակցության պատգամավորները, այնպես որ` ճնշման մասին խոսք լինել չի կարող»,- ընդգծեց խմբակցության ղեկավարը:

Գումգաբուի նոր հայերը
17 Հուլիսի 2019, 20:00 Գումգաբուի նոր հայերը
ԱԱԾ-ն՝ ֆեսյբուքում
17 Հուլիսի 2019, 18:32 ԱԱԾ-ն՝ ֆեսյբուքում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica