close
Եղանակը Երևանում
18 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
18 Հլս 2019
USD1476.45
GBP1590.89
EUR1534.43
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մակունցն ու Վարդանյանը զարմացած են ԲԴԽ դատավորի «ուշացած երդմնակալությունից»

Քաղաքական

12 Հուլիսի 2019, 15:23
 Մակունցն ու Վարդանյանը զարմացած են ԲԴԽ դատավորի «ուշացած երդմնակալությունից»

«Իմ քայլը» խորհրդարանական խմբակցության ղեկավար Լիլիթ Մակունցը ԲԴԽ նոր անդամի մասին տեսակետ հայտնել չի կարող, քանի որ իրավաբան չէ, բայց տարակուսած է մամուլի` երեկվա ու այսօրվա մամուլի հրապարակումներից,  քաղաքացիական հասարակության, քաղաքական գործիչների կողմից արված հայտարարություններից հետո:

«Ինձ համար իսկապես մտահոգիչ է», - ասաց նա ու բավական ուշագրավ հայտարարություն  արեց. «Վեթինգի գործընթացի իրականացման համար պատասխանատու ԲԴԽ-ն առաջինը հենց ինքը պետք է վեթինգի ենթարկվի` անկախ նրանից, թե անդամներն ում կողմից և երբ են առաջադրվել»:

Լրագրողների ճշտող հարցը` եթե դատավորների վեթինգ իրականացնողը ԲԴԽ-ն է լինելու, ապա ո՞վ է զբաղվելու ԲԴԽ անդամների վեթինգով, Մակունցը հասցեագրեց ԱԺ պետական-իրավական հանձնաժողովի նախագահ Վլադիմիր Վարդանյանին: Նա էլ նախ վեթինգի ակունքներից եկավ` հիշեցնելով, որ դա պերմանենտ գործընթաց է, որը պետք է իրականացնել պետական ծառայության մեջ գտնվող բոլոր պաշտոնյաների նկատմամբ։ Դառնալով բուն հարցին` Վարդանյանը նշեց. «Այո, հնարավորություն կա, որ այդ վեթինգի գործընթացը իրագործող մարմինը շարունակի գործել ինքնամաքրման ճանապարհով: Սա եզակի դեպք չէ»:

Նա նաև պատմական ակնարկ կատարեց, թե ինչպես է ձևավորվում ԲԴԽ-ն ԱԺ-ի և Դատավորների ընդհանուր ժողովի կողմից։ Նաև նշեց, որ խորհրդարանում ԲԴԽ անդամի այնպիսի թեկնածուներ են փորձել ներկայացնել, որոնք վայելում են թե՛ իրենց, թե՛ խորհրդարանական մյուս երկու ուժերի աջակցությունը:

Վարդանյանը հավաստիացրեց, որ խորհրդարանական ուժերը որևէ եղանակով իրավունք չունեն  միջամտելու Դատավորների ընդհանուր ժողովի աշխատանքներին,  քանի որ դա կարող է սահմանադրական մի շարք նորմերի խախտում համարվել:

Ինչ վերաբերում է երեկ ԲԴԽ-ում տեղի ունեցած` Նաշխուն Տավարացյանի ընտրությանը, ապա Վարդանյանը ձեռնպահ մնաց կարծիք հայտնելուց` բացատրելով, որ եթե օրենքով սահմանված կարգով է իրականացվել, պետք է հարգել: Այնուամենայնիվ, նշեց` զարմանալի էր մեկ տարի անց երդմնակալության արարողություն կազմակերպելը, ու դա այն պարագայում, երբ  Տավարացյանը նախկինում, կարծես, հրաժարականի դիմում էր գրել: «Այդ դիմումը մնացել է անհետևանք։ Անհասկանալի միջադեպ է, ու գուցե բավական լավ նյութ է իրավաբանական հետազոտություններ իրականացնելու համար»,- հավելեց նա։

Ինչ վերաբերում է ԱԺ-ի կողմից թեկնածու առաջադրելուն, Լիլիթ Մակունցը նշեց, որ անցած տասնօրյա ժամկետում մտադիր էին թեկնածու ներկայացնել, սակայն չի ստացվել, հետևաբար` հաջորդ տասնօրյակում կփորձեն առաջադրել: Նա նշեց նաև, որ մի թեկնածու արդեն ունեն «աչքի տակ», եթե նա համաձայնի, ապա կներկայացնեն: ԲԴԽ անդամի ընտրությունը կլինի ԱԺ աշնանային նստաշրջանի ժամանակ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica