close
Եղանակը Երևանում
21 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
21 Հլս 2019
USD1476.48
GBP1596.79
EUR1535.52
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իրանական նավերը փորձել են կանգնեցնել բրիտանական նավթատար նավ

Աշխարհ

11 Հուլիսի 2019, 10:14
 Իրանական նավերը փորձել են կանգնեցնել բրիտանական նավթատար նավ

Իսլամական հեղափոխության պահապանների կորպուսի 5 զինված մոտորանավեր սկսել են հետապնդել Մեծ Բրիտանիայի նավթատար նավը և փորձել կանգնեցնել այն. հայտնում է CNN-ը:

Միջադեպը տեղի է ունեցել Պարսից ծոցում: Իրանական նավերը մոտեցել են նավթատար նավին և պահանջել անձնակազմից` փոխել ուղղություն ու խարիսխ գցել Իրանի տարածքային ջրերում: Նավթատար նավին ուղեկցել է Բրիտանիայի թագավորական նավատորմի ֆրեգատը, որը զենքով սպառնացել է և պահանջել բաց թողնել բրիտանական նավթատարը: Իրանցի նավաստիները, տեղեկության համաձայն, ենթարկվել են:

Հիշեցնենք, որ անցյալ հինգշաբթի հայտնի է դարձել, որ Ջիբրալթարում բրիտանական իշխանությունները ձերբակալել են նավթատար նավ, որը հում նավթ էր տեղափոխում Սիրիա: Ըստ Ջիբրալթարի վարչապետ Ֆաբիան Պիկարդոյի` տեղեկություն է եղել, որ Grace 1 նավը գործել է` Սիրիայի դեմ ԵՄ պատժամիջոցների խախտելով: Իրանի ԱԳՆ-ն բողոք է հայտնել Բրիտանիային և պահանջել ազատ արձակել նավը:

Երեկ Իրանի նախագահ Հասան Ռոհանին սպառնացել է Բրիտանիային հետևանքներով:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica