close
Եղանակը Երևանում
13 Նոյեմբերի 2019
+11°
+12°Ցերեկ
+2°Գիշեր
weather
close
Փոխարժեք
13 Նմբ 2019
USD1477.40
GBP1612.93
EUR1526.81
RUB17.46
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Որևէ խնդիր չեմ տեսնում, հետևաբար, լուծման մասին չեմ կարող խոսել. ՍԴ նախագահը`դատարանի շուրջ ստեղծված իրավիճակի մասին

Իրավունք

4 Հուլիսի 2019, 17:55
 Որևէ խնդիր չեմ տեսնում, հետևաբար, լուծման մասին չեմ կարող խոսել. ՍԴ նախագահը`դատարանի շուրջ ստեղծված իրավիճակի մասին

Սահմանադրական դատարանում ճգնաժամ չկա. այսօր լրագրողների հետ ճեպազրույցում հայտարարեց Սահմանադրական դատարանի նախագահ  Հրայր Թովմասյանը:

Նա հավելեց. «Սահմանադրական դատարանի դատավորների հավաքական դիրքորոշումը դուք տեսել եք հայտարարության տեքստում»:

Անդրադառնալով իր և նորընտիր ՍԴ դատավոր Վահե Գրիգորյանի հետ փոխհարաբերություններին, Թովմասյանը նշեց, որ իրենք հանգիստ են աշխատում: «Քննարկումների մի մասին մասնակցում է, նիստերին չի մասնակցում»,- հայտնեց նա:

Լրագրողներից մեկի հարցին, թե Հրայր Թովմասյանը Սահմանադրական դատարանի դատավո՞ր է, թե՞ անդամ, նա կտրուկ պատասխան տվեց` նախագահ է: Թովմասյանի համոզմամբ` «ՍԴ անդամ» և «դատավոր» հասկացությունների միջև տարբերություն չկա:

Ինչ վերաբերում է իր` հնարավոր հրաժարականին, ապա ՍԴ նախագահը հավաստիացրեց, որ չի պատրաստվում հրաժարական տալ:

Հարցին` ինչպե՞ս է պատկերացնում ՍԴ-ի շուրջ ստեղծված իրավիճակի հանգուցալուծումը, Թովմասյանը պատասխանեց, որ որևէ խնդիր չի տեսնում, հետևաբար, լուծման մասին չի կարող խոսել:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica