close
Եղանակը Երևանում
21 Հոկտեմբերի 2019
+13°
+19°Ցերեկ
+12°Գիշեր
weather
close
Փոխարժեք
21 Հոկ 2019
USD1476.34
GBP1614.19
EUR1530.17
RUB17.45
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լարիի արժեզրկումով Հայաստանը կունենա արտահանման մրցունակության անկում

Տնտեսական

30 Հունիսի 2019, 18:44
 Լարիի արժեզրկումով Հայաստանը կունենա արտահանման մրցունակության անկում

Վերջին օրերին Վրաստանի ազգային արժույթը՝ լարին, շարունակում է կտրուկ արժեզրկվել: Թե ինչ ազդեցություն կարող է ունենալ լարիի արժեզրկումը ՀՀ տնտեսության վրա, ArmDaily.am-ը ցրուցել է ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանի հետ:

Ինչպես նշում է տնտեսագետը՝ մենք կունենանք արտահանման մրցակցության անկում:

«Լարին վերջին տարիների ընթացքում մի քանի անգամ արժեզրկվել է,և դա վրացական ապրանքներին մի շարք առավելություններ է տալիս. հայկական ապրանքների համեմատ դրանք դարձան ավելի էժան արտահանման շուկայում: Մասնավորապես, Ռուսաստանում լարիի արժեզրկման հետևանքով վրացական ապրանքներն ավելի մրցունակ դարձան, գներն ավելի մատչելի դարձավ քան հայկական ապրանքները: Վրացական ապրանքների իրացման ծավալները կավելանան,հատկապես՝ մթերքի և վերամշակվող արդյունաբերության դեպքում: Այս տենդենցը կշարունակվի նաև այն դեպքում, երբ լարին արժեզրկվի,իսկ այդ ընթացքում հայկական դրամը արժևորվի: Մենք կունենանք արտահանման մրցունակության անկում: Սա է հիմնական խնդիրը: Բացի այս խնդիրը, լարիի արժեզրկումը կնպաստի նաև Հայաստանում արտագնա տուրիզմի զարգացմանը: Հայ սպառողները կնախընտրեն ավելի էժան Վրաստանում հանգստանալ, քանի որ նույն գումարով այնտեղ ավելի շատ ծառայություններից կարող են օգտվել, քան Հայաստանում»,-նշում է Պարսյանը:

Հարցին, թե ինչպես խուսափել մեր տնտեսությանը վնաս հասցնելուց,Պարսյանը պատասխանեց.

«Ամբողջ խնդիրն այն է, որ Կենտրոնական Բանկը պիտի փոխի իր վարած դրամավարկային քաղաքակնությունը: Նա պիտի հրաժարվի թանկ դրամի քաղաքականությունից, թույլ տա դրամի արժեզրկումը: Մեզ դա թույլ կտա ավելացնել մեր մրցակցային առավելությունները և ներքին,և արտաքին շուկայում,և արտահանման ժամանակ: Մեր դրամավարկային քաղաքականությունը պետք է վերանայել: Կենտրոնական Բանկը մեծ անելիք ունի, բայց ցավոք կառավարությունը չի կարողանում վերահսկել նրա կողմից վարվող ինքնուրույն, երբեմն տնտեսությանը վնասող քաղաքականությունը»:

«Անձնական տեռոր»․ 168.am
19 Հոկտեմբերի 2019, 11:35 «Անձնական տեռոր»․ 168.am
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica