close
Եղանակը Երևանում
20 Սեպտեմբերի 2019
-2°
+3°Ցերեկ
-3°Գիշեր
weather
close
Փոխարժեք
20 Սեպ 2019
USD1476.26
GBP1593.94
EUR1526.74
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գույքահարկը բարձրացնելու նախաձեռնություն այս պահին չկա. Բաբկեն Թունյան

Տնտեսական

26 Հունիսի 2019, 20:50
 Գույքահարկը բարձրացնելու նախաձեռնություն այս պահին չկա. Բաբկեն Թունյան

ԱԺ «Իմ քայլ» խմբակցության պատգամավոր Բաբկեն Թունյանը ֆեյսբուքյան իր էջում անդրադարձել է գույքահարկի մասին քննարկումներին.

«Գույքահարկի մասին. Կարևոր է

Ուրեմն ինչ է թե ԱԺ-ում հայտարարել ենք, որ առաջիկայում կառավարությունը նախաձեռնելու է գույքահարկի գլոբալ ռեֆորմ ու նաև դրանով է վերականգնելու սոցիալական արդարության կոմպոնենտը, տարբեր մարդիկ ու զլմ-ներ արդեն սկսել են չարագուշակ կանխատեսումներ անել՝ շուտով գույքահարկը բոլորի համար կթանկանա, բիզնեսը կտուժի և այլն։

Ուրեմն մի քանի կարևոր բան էս պահին ֆիքսենք

1. Գույքահարկը բարձրացնելու օրենսդրական նախաձեռնություն այս պահին ՉԿԱ։ Այս պահին կա անշարժ գույքի կադաստրային արժեքները շուկայականին մոտեցնելու նախաձեռնություն՝ մեթոդիկա։ Իսկ դա կարևոր է, քանի որ կադաստրային և շուկայական արժեքները միմյանցից շեղվում են անգամներով։ Ասենք, 100 հազար դոլարանոց բնակարանի կադաստրային արժեքը 5-6 հազար դոլար է։ Կամ՝ մի քանի մլն դոլար արժեցող վիլլայի արժեքը 400-500 հազար դոլար է։

2. Անշարժ գույքի արժեքը ճշգրտելուց և վերագնահատելուց հետո միայն կառավարությունը եղած տեղեկատվության հիման վրա վերլուծություններ կանի։ Այո, հարկման բազան աճելու է, բայց դա չի նշանակում, որ բոլորի համար ու համամասնորեն նաև գույքահարկն է ավելանալու։ Ըստ անհրաժեշտության փոփոխության կենթարկվեն գույքահարկի շեմերն ու դրույքաչափերը։ Ռեֆորմի հիմնական նպատակը թանկարժեք և գերթանկարժեք անշարժ գույքի արդարացի հարկումն է լինելու։ Անապահով խավի շահերը բնականաբար հաշվի են առնվելու։

3. Թե բա բիզնեսը տուժելու է։ Հակառակը՝ բիզնեսը օգտվելու է։ Հատկապես սկսնակ բիզնեսը։ Որովհետև կան մարդիկ, որոնք ժամանակին կոպեկներով շինություններ են ձեռք բերել ու այսօր էլ կոպեկներ են վճարում գույքահարկի համար։ Ու սեփական տարածք չունեցող որևէ գործարար ցանկանում է գնել կամ վարձակալել հող/անշարժ գույք, աստղաբաշխական վճարներ են պահանջում։ Փորձելու ենք նաև այս խնդիրը լուծել։

Հ.Գ. - Ուշադրություն դարձրեք. օրենքը դեռ չմշակված՝ ովքեր են առավել ակտիվ ընդդիմանում այս նախաձեռնությանը։ Կարծում եմ՝ շատ բան պարզ կլինի»։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica