close
Եղանակը Երևանում
18 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
18 Հլս 2019
USD1476.41
GBP1594.04
EUR1535.10
RUB17.57
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Այս Հարկային օրենսգիրքը չի լուծում կարևորագույն հարցը, դեմ ենք քվեարկելու օրինագծի փաթեթին. ԼՀԿ

Քաղաքական

25 Հունիսի 2019, 10:58
 Այս Հարկային օրենսգիրքը չի լուծում կարևորագույն հարցը, դեմ ենք քվեարկելու օրինագծի փաթեթին. ԼՀԿ

Խորհրդարանի «Լուսավոր Հայաստան» խմբակցությունը դեմ կքվեարկի Հարկային օրենսգրքի փաթեթին: ԱԺ արտահերթ նիստում այս մասին հայտարարեց ԼՀԿ պատգամավոր Արկադի Խաչատրյանը։

Ըստ նրա` իրենց խմբակցությունը ներկայացրել է ավելի քան մեկ տասնյակ առաջարկներ հարկային քաղաքականության ռազմավարության սկզբունքների վերաբերյալ, որից ամենակարևորը վառելիքի հարկային բեռի ավելացման անթույլատրելիությունն է, մինչդեռ կառավարությունը և քաղաքական մեծամասնության իրենց գործընկները, ցավոք, չընդունեցին այս սկզբունքները։

«Առաջիկա տարիներին տարեկան 3%–ով ավելանալու է ակցիզային հարկը բենզինի, սեղմված բնական գազի և դիզելային վառելիքի համար՝ իր սոցիալական և տնտեսական հետևանքով»,- ասաց Խաչատրյանը` նշելով, որ ավելի քան մեկ տասնյակ առաջարկներ են ներկայացրել նախագծի առկա դրույթների և նույնքան էլ նոր դրույթներ ավելացնելու համար: «Ընդունվել է միայն երեքը, այն էլ՝ մասնակիորեն»,- պարզաբանեց նա:

Ինչ վերաբերում է ներդրումային միջավայրին, ապա պատգամավորը,  համեմատելով Վրաստանի և Հայաստանի հարկային քաղաքականությունը, ներկայացրեց` Վրաստանում ԱԱՀ–ն 18% է, Հայաստանում՝ 20%, եկամտային հարկը Վրաստանում 20% է, Հայաստանում՝ երեք տարի հետո նոր այդքան կլինի։

Խաչատրյանը տեղեկացրեց նաև, որ ավելի քան տասը գործոն են համեմատել և եկել այն համոզման, որ դրանց գերակշռող մասում Վրաստանը շատ ավելի շահեկան վիճակում է, քան Հայաստանը:

«Ամենակարևորն այն է, որ այս Հարկային օրենսգիրքը չի լուծում կարևորագույն հարցը` չի ձևավորում այնպիսի ներդրումային միջավայր, որի պարագայում ներդրողը միանշանակ որոշում կկայացնի հօգուտ Հայաստանում ներդրումների կատարման։ Մեզ պետք  է նոր Հարկային օրենսգիրք, սա է պատճառը, որ մենք դեմ ենք այս օրինագծին»,- եզրափակեց ԼՀԿ ներկայացուցիչը:

 

ԲԴԽ նիստը հետաձգվեց
18 Հուլիսի 2019, 16:09 ԲԴԽ նիստը հետաձգվեց
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica