close
Եղանակը Երևանում
16 Հոկտեմբերի 2019
+11°
+23°Ցերեկ
+10°Գիշեր
weather
close
Փոխարժեք
16 Հոկ 2019
USD1476.57
GBP1602.53
EUR1524.89
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սուրբ Հովհաննես Կարապետի մասունքը տարվել է Շողակաթի վանք

Հասարակություն

20 Հունիսի 2019, 16:19
 Սուրբ Հովհաննես Կարապետի մասունքը տարվել է Շողակաթի վանք

Հունիսի 20-ին Հայաստանյայց Առաքելական Սուրբ Եկեղեցին նշել է Ս. Հովհաննես Կարապետի և Ս. Աթանագինե եպիսկոպոսի տոնը, որը նաև Էջմիածնի Ս. Շողակաթ վանքի ուխտի օրն է, հայտնում եմ Մայր Աթոռ Ս. Էջմիածնից:  

Ս. Հովհաննես Մկրտչի մասունքն ամփոփող խաչ-մասունքարանը առավոտյան Մայր Աթոռից Ս. Շողակաթ վանք տարվել է եկեղեցականների հանդիսավոր թափորով: Սրբազան մասունքը կրում էր ԱՄՆ Հայոց Արևելյան թեմի հոգևոր սպասավոր Հոգեշնորհ Տ. Օշական վարդապետ Կյուլկյուլյանը: 

Ս. Շողակաթ վանքի առջև թափորը դիմավորել են բազմաթիվ ուխտավորներ` Մայր Աթոռի Վանորեից տեսուչ Գերաշնորհ Տ. Արտակ եպիսկոպոս Տիգրանյանի գլխավորությամբ:    

Տոնի կապակցությամբ վանքում մատուցվել է Սուրբ Պատարագ: Պատարագիչն էր Վիրահայոց թեմի Ախալցխեի և Բորժոմիի տարածաշրջանի հոգևոր տեսուչ Հոգեշնորհ Տ. Հակոբ աբեղա Սահակյանը:

Ռուսաստանի և Նոր Նախիջևանի Հայոց թեմի Սանկտ Պետերբուրգի և Ռուսաստանի Հյուսիսարևմտյան շրջանի առաջնորդական փոխանորդ Հոգեշնորհ Տ. Պողոս աբեղա Վարդանյանը, իր քարոզում անդրադառնալով տոնի խորհրդին, նշել է, որ Արարատյան շաբաթվա տոները հիմք են հանդիսացել Հայաստանում քրիստոնեության որպես պետական կրոն հռչակման համար.

«Մենք, լինելով քրիստոնյա, լավագույն կերպով գիտակցել և իմացել ենք այն գինը, որ Քրիստոս խաչի վրա Իր արյամբ վճարեց մեզ փրկություն պարգևելու համար: Եվ այդ գնով պայծառացել ու լուսավորվել են թե´ մեր հոգիները, թե´ մեր մարմինները: Մեր ազգը լավագույնս գիտակցել է Հռիփսիմյանց և Գայանյանց կույսերի թափած արյան գինը, լավագույնս գիտակցել է Ս. Գրիգոր Լուսավորչի Խոր Վիրապում կրած չարչարանքների արժեքը և արժևորել է Մայր Աթոռ Ս. Էջմիածնից եկած լույսն ու հավատը և ապրել դրանով դարեդար»,- ասաց Հայր Պողոսը՝ հորդորելով հավատացյալ հայորդիներին հայցել Աստծուց ուժ, կարողություն և իմաստություն մեր նախնիների դարավոր հավատքի համաձայն ապրելու համար:  

Ս. Պատարագի ավարտին կատարվել է նաև Ս. Հովհաննես Մկրտչի մասունքակիր խաչով հավատացյալների օրհնություն և Անդաստանի կարգ Տ. Արտակ եպիսկոպոս Տիգրանյանի հանդիսապետությամբ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica