close
Եղանակը Երևանում
11 Դեկտեմբերի 2019
+0°
+5°Ցերեկ
-1°Գիշեր
weather
close
Փոխարժեք
11 Դեկ 2019
USD1478.02
GBP1628.98
EUR1529.50
RUB17.52
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Միջադեպ`Քոչարյանի և մյուսների գործով դատական նիստի ժամանակ

Իրավունք

20 Հունիսի 2019, 15:19
 Միջադեպ`Քոչարյանի և մյուսների գործով դատական նիստի ժամանակ

Վերաքննիչ քրեական դատարանում այսօր շարունակվում է Ռոբերտ Քոչարյանի և մյուսների գործով դատական նիստը. քննվում է Ռոբերտ Քոչարյանի խափանման միջոցի հարցը:

Այսօր քննվում է պաշտպանական կողմի ներկայացրած միջնորդությունը` գործի վարույթը կասեցնելու և Սահմանադրական դատարան ուղարկելու մասին, ինչպես նաև Ռոբերտ Քոչարյանի խափանման միջոցի դեմ ներկայացված քննությունը:

Դատական նիստի ընթացքում միջադեպ տեղի ունեցավ Ռոբերտ Քոչարյանի համակիրների և նրա խափանման միջոցը կալանք սահմանելու պահանջով հանդես եկող քաղաքացիների միջև: ՀՀ երկրորդ նախագահի` կրկին կալանավորման պահանջով հանդես եկող քաղաքացիները պնդում են, որ մյուս կողմն իրենց ժեստերով վիրավորել է, ինչից էլ սկսվել է միջադեպը, իսկ հակառակ կողմն էլ վստահեցնում է, որ նման բան չկա, իրենց կողմից սադրանք չի եղել:

Հիշեցնենք, որ մինչ միջադեպը պաշտպանական կողմը ներկայացնում էր հիմնավորումներ, թե ինչու են միջնորդություններ ներկայացնում դատարանին Մարտի 1-ի գործը կարճելու և այն Սահմանադրական դատարան ուղարկելու վերաբերյալ:

Նիստին ներկա քաղաքացիներին դուրս հրավիրեցին դատական կարգադրիչների հսկողությամբ: Նրանք այս պահին դրսում են և միացել են այնտեղ բողոքի ակցիա իրականացնողներին:

Քիչ անց դատական նիստը կվերսկսվի, այն ընդմիջվել էր տեղի ունեցածի պատճառով:

Հիշեցնենք նաև, որ ոստիկանությունը դատարանի բակում իրականացնում է ուժեղացված ծառայություն:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica