close
Եղանակը Երևանում
19 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
19 Հլս 2019
USD1476.41
GBP1594.04
EUR1535.10
RUB17.57
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տեղեկատվության որևէ արտահոսք չի լինելու, որը կվնասի ՀՀ անվտանգությանը. Վանեցյանը ԱԺ-ում ՀԱՊԿ-ին վերաբերող նախագիծ է ներկայացրել

Քաղաքական

20 Հունիսի 2019, 14:39
 Տեղեկատվության որևէ արտահոսք չի լինելու, որը կվնասի ՀՀ անվտանգությանը. Վանեցյանը ԱԺ-ում ՀԱՊԿ-ին վերաբերող նախագիծ է ներկայացրել

ՀԱՊԿ անդամ պետությունները միջպետական համագործակցության հիման վրա կնպաստեն տեղեկատվական անվտանգության հետագա զարգացմանը, տեղեկատվական ոլորտում սպառնալիքներին հակազդման մեխանիզմների կատարելագործմանը, համագործակցությանը:  ԱԺ-ում «Տեղեկատվական անվտանգության ապահովման ոլորտում հավաքական անվտանգության մասին պայմանագրի կազմակերպության անդամ պետությունների համագործակցության մասին համաձայնագիրը վավերացնելու մասին» օրենքի նախագիծը ներկայացրեց ՀՀ ազգային անվտանգության ծառայության տնօրեն Արթուր Վանեցյանը:

«Համաձայնագրի հիմական նպատակներն են՝ միջպետական համագործակցության հիման վրա ՀԱՊԿ անդամ պետությունների տեղեկատվական անվտանգության հետագա զարգացումը, տեղեկատվական ոլորտում սպառնալիքներին հակազդման մեխանիզմների կատարելագործումը, ՀԱՊԿ անդամ պետությունների տեղեկատվական տիրույթում ապօրինի գործունեության դեմ համատեղ հակազդեցությունը, կողմերի տեղեկատվական անվտանգության ապահովման տեխնոլոգիական հիմքի զարգացմանն ուղղված փոխադարձ աջակցությունը, միջազգային տեղեկատվական անվտանգության ապահովման հարցերում համագործակցությունը»,- նշեց նա:

Ըստ Վանեցյանի՝  ՀԱՊԿ անդամ երկրների միջև տեղեկատվությունը փոխանցվելու է ըստ նպատակահարմարության։ «Կան համապատասխան պետական կառույցներ, որոնք որոշելու են՝ արդյոք նպատակահարմա՞ր է, որ տեղեկատվությունը փոխանցվի երկրորդ կամ երրորդ երկրի, թե՞ ոչ։ Նույն տրամաբանությամբ որոշվելու է նաև ՀԱՊԿ անդամ երկրների միջև։ Այս համաձայնագրում կան պայմաններ, չափորոշիչներ, որոնք պետությունը հաշվի է առնելու, և բացառվում է, որ ունենանք որևէ տեղեկատվության արտահոսք, որը կվնասի ՀՀ անվտանգությանը։ Սա փակ համակարգ է, որը վերաբերում է միայն ՀԱՊԿ-ին, մեր երկրի ներքին հարցերին վերաբերող որևէ տեղեկություն չի փոխանցվելու: Այսինքն՝ առանձին գործող կառույց է, որը գործելու է ՀԱՊԿ շրջանակում տեղեկատվական փոխանակման ուղղությամբ», - վստահեցրեց ԱԱԾ տնօրենը:

Համաձայնագիրը ստորագրվել է 2017-ի նոյեմբերի 30-ին Մինսկում Ռուսաստանի, Հայաստանի, Ղազախստանի, Բելառուսի, Ղրղզստանի և Տաջիկստանի կողմից:

Ըստ ֆինանսների նախարարության եզրակացության` համաձայնագիրը ԱԺ-ի կողմից ենթակա է վավերացման, այն ՀՀ-ի համար առաջացնելու է հավելյալ ֆինանսական պարտավորություններ, մասնավորապես` պետական բյուջեից լրացուցիչ ֆինանսական միջոցների անհրաժեշտություն կառաջանա:

Համշէնական ապրումներ
18 Հուլիսի 2019, 20:30 Համշէնական ապրումներ
ԲԴԽ նիստը հետաձգվեց
18 Հուլիսի 2019, 16:09 ԲԴԽ նիստը հետաձգվեց
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica