close
Եղանակը Երևանում
20 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
20 Հլս 2019
USD1476.48
GBP1596.79
EUR1535.52
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանը և Թուրքիան միմյանց ընդառաջ են գնացել. Haqqin.az

Տարածաշրջան

17 Հունիսի 2019, 13:30
 Հայաստանը և Թուրքիան միմյանց ընդառաջ են գնացել. Haqqin.az

Բավականին անսպասելի կերպով Թուրքիան և Հայաստանը սկսել են ինչ-որ քայլեր ձեռնարկել միմյանց ընդառաջ: Նախ` թուրքական իշխանությունները թույլատրեցին հայկական Luys TV-ին հեռարձակվել այդ երկրում, այնուհետև Թուրքիա է այցելել Համահայկական խաղերի համաշխարհային կոմիտեի պատվիրակությունը` Իշխան Զաքարյանի գլխավորությամբ. գրում է ադրբեջանական Haqqin.az-ը:

Պարբերականը նշում է, որ, չնայած «մերձեցնող պահերին», օրերս Թուրքիայի ԱԳ նախարար Մևլութ Չավուշօղլուն պատասխանել է հայերին ցեղասպանության թեմայով և ասել է, որ եթե իրենք վստահ են իրենց ճշմարիտ լինելու մեջ, թող ընդունեն համատեղ աշխատանքային խոմբ ստեղծելու առաջարկը:

Չնայած դրան, ըստ կայքի, հայ-թուրքական հարաբերություններում որոշակի շարժ  նկատելի  է, և այդ թեմայով կայքը զրույցել է թուրք քաղաքագետ Քըսըմ Սոյլուի հետ: «Թուրքիան երբեք չի գնա Երևանի հետ հարաբերությունների միակողմանի վերականգնմանը, քանի դեռ չի կարգավորվել ԼՂ  հակամարտությունը»,- ասել է նա` միևնույն ժամանակ նշելով, որ Թուրքիան ցանկանում է Հայաստանի հետ լավ հարաբերություններ ունենալ` որպես հարևան երկրի:

«Սակայն Հայաստանը Թուրքիային աներևակայելի պահանջներ է ներկայացնում, ինչը համաձայնության համար տեղ չի թողնում»,- հավելել է Սոյլուն:

Պարբերականը նշում է, որ Անկարան  իր քայլերով ուղերձ է հղել, թե պատրաստ է հարաբերությունների կարգավորմանը, նաև հիշեցնում է, որ ՀՀ վարչապետ Նիկոլ Փաշինյանը իշխանության գալուց հետո հայտարարել է, որ պատրաստ է հայ-թուրքական հարաբերությունների կարգավորմանը` առանց նախապայմանների: «Սակայն կկատարի՞ հայկական կողմը իր խոստումը»,- եզրափակում է պարբերականը:

 

 

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica