close
Եղանակը Երևանում
26 Հունիսի 2019
-2°
+3°Ցերեկ
-3°Գիշեր
weather
close
Փոխարժեք
26 Հնս 2019
USD1477.07
GBP1608.65
EUR1542.91
RUB17.61
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե Մ6-ում ակտիվ շինարարություն է ընթանում, ապա ինչո՞ւ է տեխնիկան ժանգոտել

Հասարակություն

13 Հունիսի 2019, 14:36
 Եթե Մ6-ում ակտիվ շինարարություն է ընթանում, ապա ինչո՞ւ է տեխնիկան ժանգոտել

Մ6 միջպետական մայրուղու շինարարության ընթացքը բարձր տեխնոլգիական արդյունաբերության նախարար Հակոբ Արշակյանին, որ նախկինում տրանսպորտի, կապի և տեղեկատվական տեխնոլոգիաների նախարարն էր, չի անհանգստացնում:

Yerkir.am-ի դիտարկմանը` լոռեցիները դժգում են, որ Երևան-Թբիլիսի մայրուղու շինարարական աշխատանքները դանդաղել են, ինքներս էլ ականատեսն ենք եղել, օրինակ, ժանգոտած տեխնիկայի, ժայռապայթեցումից հետո ճանապարհին թափված ու երթևեկությունը միակողմանի դարձրած քարերի, նա արձագանքեց. «Ինձ 4 օր առաջ տեղեկատվություն են տրամադրել ու ասել, որ շինարարությունն ակտիվ ընթանում է»:

Մեր հարցին, թե շինարարությունն իրականացնող ընկերության հետ որևէ խնդիր չկա՞, նախարարը պատասխանեց, որ մանավանդ Ալավերդի քաղաքի ներսում, ինչպես պայմանավորվել էր ալավերդցիների հետ, շինարարական ակտիվ աշխատանքներ են ընթանում: «Վերահսկող ինժեներական ընկերության հետ սեպտեմբերին մենք կունենանք Ալավերդի քաղաքի ներսի հատվածի շինարարության ավարտ»,- նշեց նա:

Ուշագրավ է նախարարի հայտարարության այն հատվածը, որ իրեն 4 օր առաջ զանգել ու զեկուցել են Մ6-ի շինարարական ընթացքի մասին: Մեր գործընկերներից մեկը, երբ այսօր հարցնում էր «Հյուսիս-հարավի» մասին, Արշակյանն նախքան պատասխանելը նշեց, որ տվյալ ոլորտի պատասխանատուն արդեն ինքը չէ: Ճիշտ է պատասխանեց հարցին, բայց հորդորեց` մյուս անգամ հարցերը ոլորտի նախարարին ուղղել: Արշակյանը բարձր տեխնոլոգիական արդյունաբերության նախարար նշանակվել է հունիսի 1-ին, հետևաբար` փոքր-ինչ տարօրինակ է, որ հունիսի 9-ին նրան զեկուցել են Մ6-ի շինարարության վիճակի մասին: Եթե ճանապարհները նրա իրավասության ոլորտում չեն, ապա որպես ի՞նչ են զեկուցել: 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica