close
Եղանակը Երևանում
25 Հունիսի 2019
-2°
+3°Ցերեկ
-3°Գիշեր
weather
close
Փոխարժեք
25 Հնս 2019
USD1477.81
GBP1609.64
EUR1544.32
RUB17.60
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռոբերտ Քոչարյանի կողմից ապօրինի ներգործության փաստ չունենք. գլխավոր դատախազ

Իրավունք

12 Հունիսի 2019, 15:26
 Ռոբերտ Քոչարյանի կողմից ապօրինի ներգործության փաստ չունենք. գլխավոր դատախազ

ՀՀ երկրորդ նախագահ Ռոբերտ Քոչարյանի պաշտպան Արամ Օրբելյանը հունիսի 12-ին լրագրողների հետ զրույցում անդրադարձավ Մարտի 1-ի քրեական գործով հատորների ավելանալուն: Պաշտպանական կողմի հաշվարկով` հատորների թիվը 83 էր, այժմ պարզվում է՝ 88 է, և 5 հատորի խնդիր է առաջանում, ու ներկայումս իրենք ծանոթանում են դրանց:

Վերաքննիչ քրեական դատարանում Քոչարյանի և մյուսների գործը քննող դատավոր Արմեն Դանիելյանին ներկայացված ինքնաբացարկի միջնորդության մասին Օրբելյանին հարց ուղղվեց՝ տեխնիկակա՞ն խնդիր է, թե՞ դիտավորություն է եղել:

«Եկեք՝ չգուշակենք, մենք տեսնում ենք, որ հիմք ունենք ենթադրելու՝ տեղի է ունեցել մակագրման` օրենքով նախատեսված գործընթացի խախտում: Դիտավորյա՞լ է, անփութությա՞մբ, թե՞ ինչ, չգիտենք, նաև պարզաբանված չէ՝ որ օրենքով է կարգավորված»,- ասաց նա:

Լրագրողների հարցերին պատասխանեց նաև ՀՀ գլխավոր դատախազ Արթուր Դավթյանը՝ ընդգծելով, որ Ռոբերտ Քոչարյանի` ապօրինի ներգործությամբ գործի քննության վրա ազդելու փաստեր չկան: «Ամբողջ խնդիրն այդ է՝ փաստ են ուզում, իսկ փաստ կա՞: Ոչ, չկա: Մենք այդ մասին բարձրաձայնում ենք, դա չենք թաքցնում. փաստ, որ ֆիքսվել է կոնկրետ ապօրինի ներգործություն, այսօր չունենք, բայց մենք չենք խոսում եղած փաստի մասին: Քրեադատավարական օրենքը, մեր նախադեպային իրավունքը, եվրոպական նախադեպային իրավունքը ապագային միտված իրավիճակների ռիսկերի մասին են խոսում՝ կա հավանականություն, որ կխոչընդոտի, կթաքնվի»,- ասաց նա:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica