close
Եղանակը Երևանում
20 Հունիսի 2019
-2°
+3°Ցերեկ
-3°Գիշեր
weather
close
Փոխարժեք
20 Հնս 2019
USD1477.53
GBP1607.42
EUR1539.80
RUB17.55
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ուզում ենք լավ լինի, բայց ստացվում է, ինչպես միշտ․ Ջանջուղազյանը՝ սահմանամերձ համայնքներին հարկային արտոնություններ տալու արդյունքների մասին

Հասարակություն

12 Հունիսի 2019, 12:08
 Ուզում ենք լավ լինի, բայց ստացվում է, ինչպես միշտ․ Ջանջուղազյանը՝ սահմանամերձ համայնքներին հարկային արտոնություններ տալու արդյունքների մասին

Այսօր ԱԺ-ում 2018 թվականի բյուջեի կատարողականի քննարկման ժամանակ «Բարգավաճ Հայաստան» խմբակցության պատգամավոր Միքայել Մելքումյանը ֆինանսների նախարար Ատոմ Ջանջուղազյանին հարցրեց, թե, սահմանամերձ համայնքներին արտոնություններ տալով, քանի՞ աշխատատեղ է ստեղծվել այս 4 տարիների ընթացքում։

«Մոտ 4 տարի առաջ երեք մարզերի՝ Տավուշ, Գեղարքունիք, Վայոց ձոր, սահմանամերձ մոտ 31 համայնք, այդ թվում` նաև Ճամբարակ քաղաքը, տարբեր հարկերից ազատվել է, դրա արդյունքում քանի՞ աշխատատեղ է ավելացել։ Նոր արտադրությունների արդյունքում ինչքա՞ն հարկեր են եկել այլ հարկատեսակների գծով: Արդյո՞ք այդ ուղղությամբ արել ենք առավելագույնը, եթե էֆեկտն այդքան շատ չէ»,- հարցրեց նա:

Նախարարը  պատասխանեց, որ նման վիճակագրություն չունեն, և նույնպես ցանկություն հայտնեց իմանալ, թե հարկերից ազատելու գործողությունները տալի՞ս են այն արդյունքները, ինչ ակնկալվում է:

«Մինչ այս տրված արտոնությունների արդյունքները բավարար չափով վերլուծված չեն: Մեր կարծիքով՝ դա ամենաարդյունավետ գործիքը չէ, որովհետև պետք է գտնել ճիշտ թիրախը և հասցեական ազդեցություն ունենալ փոփոխության ազդակը հաղթահարելու ուղղությամբ»,-ասաց Ջանջուղազյանը։

Նա նշեց նաև, որ եթե նման հարց առաջացել է պատգամավորի մոտ, ուրեմն նա  որաշակիորեն տեղեկացված է հարցից։ «Ուզում ենք՝ լավ լինի, բայց ստացվում է՝ ինչպես միշտ։ Այն ժամանակ, երբ համատեղ քննարկել ենք և որոշում կայացրել, բացահայտած չենք եղել` դա ամենանշանակալի գործո՞նն է, թե՞ ոչ, դա՞ է խոչընդոտը, որ սահմանամերձ բնակավայրերում տեղի չի ունենում տնտեսության վարում այնպես, ինչպես կուզենայինք»,- ասաց նախարարը։

Մելքումյանը հավելեց, որ խնդիրն այն է, որ, միայն հարկային արտոնություն տալով կամ սուբսիդավորելով, արդյունք չի գոյանում, կոմպլեքս միջոցառումներ են հարկավոր:

Ջանջուղազյանը համամիտ էր: «Պետք է համապարփակ լուծումներ գտնվեն»,- կարծիք հայտնեց նա:

 

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica