close
Եղանակը Երևանում
18 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
18 Օգս 2019
USD1475.92
GBP1578.43
EUR1527.46
RUB17.22
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հակահեղափոխականության ուրվականը ստանում է կերպար. Արթուր Ղազինյան

Բլոգեր

6 Հունիսի 2019, 16:04
 Հակահեղափոխականության ուրվականը ստանում է կերպար. Արթուր Ղազինյան

«Մեկ Հայաստան» կուսակցության ղեկավար Արթուր Ղազինյանը Facebook-ի իր էջում գրել է․

«Հակահեղափոխականության ուրվականը ստանում է կերպար. սև վերնաշապիկներով և շապիկներով մարդիկ . . .

Փաստորեն նրանք են մեղավոր, որ «հեղափոխությունը» տապալվեց, տնտեսական հեղափոխությունը չկայացավ, ժողովրդից թալանված և պետությունից յուրացված միլիարդավոր դոլարները չվերադարձվեցին ժողովրդին և պետությանը, իսկ քաղաքացիների աչքում հրեշի և դևի կերպար ստացած մարդիկ շարունակում են վայելել իրենց անհոգ կյանքը՝ բարեհաջող կերպով դառնալով բարեգործներ, որոնց գումարների ծագումը բացարձակ կարևոր չէ, կարևորը որ գտնվի ապահով վայրում և ծառայի բարեգործությանը։

Փաստորեն սև վերնաշապիկներով մարդիկ են Արցախում և դատարաններում հակահեղափոխականության օջախներ հիմնել, խափանել դատարանների աշխատանքը, խախտել ՀՀ Սահմանադրությունն ու բազմաթիվ այլ օրենքներ։

Այս սևազգեստները փչացրեցին Հայաստանի և Արցախի հարաբերությունները, Հայաստանի հարաբերությունները Ռուսաստանի, ԱՄՆ-ի ու Իրանի հետ։

Չէ՛, Նիկոլ Փաշինյանը ոչ մի կապ չունի այս տատպալումների և ձախողումների հետ, պետության ու իրավունքի մասին դպրոցական գիտելիքների բացակայությունը ոչ մի դեր չի խաղացել այս գործում, իսկ ահա սևազգեստները՝ ազգի և պետության դավաճաններ են, որոնց պետք է գնդակահարել պատերի տակ, ինքնադատաստանի ենթարկվեն ՀՀ Հպարտ քաղաքացիների կողմից, լավագույն դեպքում արտաքսվեն Հայաստանից։

Նիկոլ Փաշինյանը հայ է, միջին վիճակագրական հայ, որի ընկալման մեջ իր տապալումների, անհաջողությունների և ձախողումների պատճառները բոլորն են ու ամեն ինչ, բայց ոչ երբեք ինքը։ 

Ինքն ազնիվ է, աշխատասեր, բարի ու կամեցող, սեր և հանդուրժողականություն է սփռում շուրջ բոլորը, սիրում է մարդկանց, դե իսկ մարդիկ չար են ու նախանձ, քննադատում ու ստիպում են, որ աշխատի, որոշ դեպքերում ցույց տալիս աշխատելու ձևը, տալիս աշխատանքային գործիքը, չեն վստահում, չեն հավատում ժամեր շարունակ անդադար և անիմաստ արտահայտած անբովանդակ մտքերին ու խոստումներին։

Թիրախներն օրեցօր ավելանում են, իսկ ուղենիշերը չկան ու չկան»։

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica