close
Եղանակը Երևանում
20 Սեպտեմբերի 2019
-2°
+3°Ցերեկ
-3°Գիշեր
weather
close
Փոխարժեք
20 Սեպ 2019
USD1476.26
GBP1593.94
EUR1526.74
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արեւմտյան Հայաստանն ու Աբխազիան եւ Հարավային Օսիան ու Չամերիան կիսաեզրափակիչում են

Արցախ

5 Հունիսի 2019, 14:16
 Արեւմտյան Հայաստանն ու Աբխազիան եւ Հարավային Օսիան ու Չամերիան կիսաեզրափակիչում են

Հունիսի 4-ին ավարտվեց CONIFA Sportsbet.io Ֆուտբոլի Եվրոպայի առաջնության խումբային փուլը։ A խմբում հանդիպում ունեցան Արցախն ու Աբխազիան, ինչպես նաև Չամերին ու Սապմին։

B խմբում խաղեր ունեցան Հարավային Օսիան ու Սեկեյի լանդը և Պադանիան ու Արևմտյան Հայաստանը։ Օրը հագեցած էր ոչ ոքիներով։

Խաղի հենց սկզբում Արցախը նետվեց առաջ և կարող էր բացել խաղի հաշիվը, բայց Հայրիյանի հարվածից հետո գնդակը դիպավ դարպասաձողին: Աբխազիան գրոհներից մեկի արդյունքում՝ օգտվելով Կոստանդյանի սխալից, բացեց խաղի հաշիվը: Գոլը խփեց Շաբաթը: Արցախը սկսեց ավելի ագրեսիվ գործել և առաջին խաղակեսի վերջում Մալյակա-Մկրտչյան համագործակցությունն ավարտվեց դարպասի
գրավումով՝ 1-1: Թիմերն ընդմիջման գնացին 1-1 հաշվի պայմաններում: Երկրորդ կեսում Արցախը բոլոր ջանքերը գործադրեց հաղթելու համար, բայց չստացվեց: Խաղն ավարտվեց ոչ ոքի՝ 1-1: Չամերիա – Սապմի խաղում գրանցվեց 4 գոլ՝ բոլորն էլ Չամերիայի հավաքականի ներկայացուցիչների կողմից:

Հարավային Օսիայի և Սեկեյի Լանդի հանդիպումն ավարտվեց ոչ ոքի՝ 2-2 հաշվով։ Հետաքրքիր ու գոլային պահերով հագեցած խաղի հերոսներն էին Բորնո Վեկաշը (53-րդ րոպե), Բատրաձ Գուրցիևը (71-րդ և 83-րդ րոպեներ), Բոտոնդ Կովաշը (81-րդ րոպե)։

Պադանիա – Արևմտյան Հայաստան խաղն ավարտվեց 1-1 հաշվով։ Ընդ որում, նախորդ խաղերի արդյունքում Արևմտյան Հայաստանին նույնիսկ ոչ ոքին բավարար էր՝ կիսաեզրափակիչ դուրս գալու
համար։ Այս թիմի միակ գոլի հեղինակ դարձավ Արթուր Եդիգարյանը (66-րդ րոպե), իսկ Պադանիայի հավաքականի գոլն իրացրեց Նիկոլո Կոլոմբոն (68-րդ րոպե)։

Խմբային փուլի ավարտին թիմերը հավաքած միավորներով զբաղեցնում են հետևյալ տեղերը․
Ա խումբ

• Աբխազիա – 7
• Չամերիա – 6
• Արցախ – 4
• Սապմի – 0


B խումբ

• Հարավային Օսիա – 7
• Արևմտյան Հայաստան – 4
• Պադանիա – 4
• Սեկեյի լանդ - 1

Այսպիսով՝  առաջին կիսաեզրափակիչում կհանդիպեն Աբխազիան և Արևմտյան Հայաստանը։ Խաղը տեղի կունենա հունիսի 06-ին՝ 18:30-ին, Ստեփանակերտում։

Երկրորդ կիսաեզրափակիչում կխաղան Հարավային Օսիան և Չաﬔրիան։ Խաղը տեղի կունենա հունիսի 06-ին՝ 16:00, Ասկերանում։ Նույն օրը տեղի կունենան նաև այլ խաղեր։

Արցախն ու Սեկեյի Լանդը կհանդիպեն Մարտունիում, իսկ Պադանիան ու Սապﬕն՝ Մարտակերտում։


***

ԿՈՆԻՖԱ-ն՝ Անկախ ֆուտբոլային ասոցիացիաների կոնֆեդերացիան, ՖԻՖԱ-ի կազմում չներառված ֆուտբոլի, ֆուտզալի և լողափնյա ֆուտբոլի ասոցիացիաների միջազգային կառավարող մարմին է, որը հիմնադրվել է 2013թ.:

Կազմակերպությունը ներառում է 54 ֆեդերացիաներ: ԿՈՆԻՖԱ-ի նպատակն է՝ ՖԻՖԱ-ի կազմում չընդգրկված ֆեդերացիաներին, խաղացողներին հնարավորություն տալ դրսևորել իրենց կարողությունները, զարգանալ որպես մարզիկներ եւ անհատներ։ CONIFA Sportsbet.io European Football Cup 2019-ը ԿՈՆԻՖԱ-ի Եվրոպայի երրորդ առաջնությունը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica