close
Եղանակը Երևանում
20 Հունիսի 2019
-2°
+3°Ցերեկ
-3°Գիշեր
weather
close
Փոխարժեք
20 Հնս 2019
USD1478.04
GBP1601.18
EUR1535.55
RUB17.47
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՄԱԿ-ում Իրանի մշտական ներկայացուցիչը ներկայացրել է ԱՄՆ-ի հետ երկխոսության խոչընդոտները

Տարածաշրջան

25 Մայիսի 2019, 10:11
 ՄԱԿ-ում Իրանի մշտական ներկայացուցիչը ներկայացրել է ԱՄՆ-ի հետ երկխոսության խոչընդոտները

Ամերիկյան հեղինակավոր «The Washington Post» պարբերականը հրապարակել է ՄԱԿ-ում Իրանի մշտական ներկայացուցիչ Մաջիդ Թախթ Ռավանչիի հոդվածը, որում նա ներկայացրել է Իրանի՝ ԱՄՆ-ի հետ երկխոսության խոչընդոտները: Հոդվածում իրանցի դիվանագետը ներկաացրել է Միջուկային համապարփակ համաձայնագրից միակողմանիորեն դուրս գալուց հետո ԱՄՆ-ի ձեռնարկած հակաիրանական գործողությունների ընթացքը՝ նշելով, որ դրանք, փաստորեն, անհնար են դարձնում ԱՄՆ-ի հետ երկխոսության հնարավորությունը:

 «Իրանի հետ ԱՄՆ-ի երկխոսության առաջարկն ունի երեք խոշոր խոչընդոտ. նախ` պատմությունը ցույց է տալիս, որ իրական եւ կառուցողական բանակցությունները չեն կարող կայանալ ահաբեկման, հարկադրանքի եւ պատժամիջոցների ստվերի ներքո: Երկխոսությունը կարող է արդյունավորվել, եթե երկու կողմերը հավատարիմ լինեն փոխադարձ հարգանքի սկզբունքին եւ բանակցեն հավասար պայմաններում: Երկրորդ` Թրամփի վարչակազմն Իրանի հետ երկխոսության անհրաժեշտության մասին հանդես չի գալիս միասնական դիրքերից: Նրանք, ովքեր ցանկանում են հակամարտություն հրահրել, փորձում են ի չիք դարձնել ցանկացած օգտակար եւ իմաստալից երկխոսության հնարավորություն: Եվ վերջապես, նախորդ տարի Թրամփի՝ առանց որեւէ հիմնավոր պատճառի Միջուկային համապարփակ համաձայնագրից դուրս գալու մասին որոշումը, որը հակասում էր միջազգային հանրության միաձայն կարծիքին, ապագայում որեւէ նոր գործարքի համար առաջացնում է լուրջ մտահոգություններ, քանի որ չկրկնվելու մասին երաշխիքների բացակայության պայմաններում այն կարող է նմանատիպ ճակատագրի արժանանալ»,- գրել է Թախթ Ռավանչին՝  հավելելով. «Պատմության ընթացքում իրանցիները մշտապես դիմադրել են օտարների կողմից կամքի պարտադրանքին եւ գոյատեւել են հազարավոր տարիներ: Այս փաստին ծանոթ են բոլոր պատմաբանները: Իրանցիներն ատում են ահաբեկման եւ սպառնալիքի լեզուն եւ փոխարենը փոխադարձ հարգանքով են պատասխանում հարգալից վերաբերմունքին»: 

Ամէն ինչ հունի մէջ
19 Հունիսի 2019, 17:14 Ամէն ինչ հունի մէջ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica