close
Եղանակը Երևանում
23 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
23 Օգս 2019
USD1475.91
GBP1577.33
EUR1527.40
RUB17.25
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դէպքերու այս բացասական ընթացքը ամէն գնով ու արմատապէ՛ս պէտք է սանձուի ՀՀ ղեկավարութեան կողմէ. ՀՅԴ Գանատայի Կեդրոնական Կոմիտէ

Քաղաքական

19 Մայիսի 2019, 05:53
 Դէպքերու այս բացասական ընթացքը ամէն գնով ու արմատապէ՛ս պէտք է սանձուի ՀՀ ղեկավարութեան կողմէ.  ՀՅԴ Գանատայի Կեդրոնական Կոմիտէ

ՀՅԴ Գանատայի Կեդրոնական Կոմիտէն, Գանատայի ողջ կառոյցի անունով՝ խստի՛ւ կը դատապարտէ 18 Մայիսին, Ազատութեան հրապարակին վրայ տեղի ունեցած ընկեր Հրանդ Մարգարեանի դէմ եղած անարգ յարձակումը: Իր երկու մատղաշ թոռներուն ներկայութեամբ նմանօրինակ մոլեգին խժդժութիւնը, Դաշնակցական վաստակաւոր ղեկավարի ու Արցախեան ազատամարտի բոլորանուէր գործիչի հասցէին հնչած ատելութեան արտայայտութիւններն ու հակադաշնակցական լուտանքները՝ կը համարենք անընդունելի՛։ Անոնք ամէ՛ն մէկ Դաշնակցականի դէմ ուղղուած ոտնձգութիւն են:
Վերջին շրջանին, հանրապետութեան մէջ օրէ օր յաւելեալ թափ հաւաքող լարուածութեան ու անհանդուրժողականութեան մթնոլորտի ուղղակի արդիւնքն է այս պառակտիչ գրգռութիւնը: Սիրոյ եւ համերաշխութեան լոզունգային քողին տակ կարելի չէ' պարտկել ալ բաժանարար գիծեր քաշելու այս վտանգաւոր միտումները:

Առ այդ, կոչ կ'ուղղենք իրաւապահ մարմիններուն՝ անմիջապէս հետաքննութեան ձեռնարկեն ու յայտնաբերեն այս արարքի ետին կանգնող անձիքը ու օրինական պատասխանատուութեան ենթարկեն։

Կոչ կ՚ուղղենք նաեւ հայրենի իշխանութիւններուն ու մանաւանդ՝ վարչապետ Փաշինեանին՝ յստակ քայլեր ձեռնարկելու այս կուտակուած լարուածութիւնը լիցքաթափելու, յանուն երկրի ու ազգի միասնութեան։ Դէպքերու այս բացասական ընթացքը ամէն գնով ու արմատապէ՛ս պէտք է սանձուի ՀՀ ղեկավարութեան կողմէ, այլապէս անոր պայթիւնավտանգ հետեւանքները պիտի իյնան իրենց ուսերուն։

ՀՅԴ Գանատայի Կեդրոնական Կոմիտէ

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica