close
Եղանակը Երևանում
20 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
20 Հլս 2019
USD1476.48
GBP1596.79
EUR1535.52
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մենք լրացնում ենք քննչական մարմինների կողմից հատուկ թույլ տրված բացը. Քոչարյանը՝ իր պաշտպանի կողմից Արշակ Կարապետյանի ցուցմունքը հրապարակելու մասին

Իրավունք

15 Մայիսի 2019, 16:36
 Մենք լրացնում ենք քննչական մարմինների կողմից հատուկ  թույլ տրված բացը. Քոչարյանը՝ իր պաշտպանի կողմից Արշակ Կարապետյանի ցուցմունքը հրապարակելու մասին

Երևանի ընդհանուր իրավասության դատարանում շարունակվում է Մարտի 1-ի գործով մեղադրյալ Ռոբերտ Քոչարյանի կալանքի հիմնավոր լինել-չլինելու հարցը: Քոչարյանի փաստաբաններից Հայկ Ալումյանը դատարանում հրապարակեց Նիկոլ Փաշինյանի ներկայիս խորհրդական, Հայաստանի ԶՈւ գլխավոր շտաբի հետախուզության վարչության նախկին պետ  Արշակ Կարապետյանի ցուցմունքը:

«Ասում է. «Իմ հիշելով` 2008-ի փետրվարի 23-ին նախագահ Ռոբերտ Քոչարյանը, ՊՆ-ի, ԱԱԾ-ի և ոստիկանության բարձրաստիճան ղեկավարների, ուժային կառույցների վարչությունների և առանձին կառույցների պետերի մասնակցությամբ, խորհրդակցություն է անցկացրել: Եթե չեմ սխալվում՝ մինչև ՊՆ ստորաբաժանումների ղեկավարության` դահլիճ մտնելը, նախագահն առանձին խորհրդակցություն է անցկացրել ԱԱԾ-ի և ոստիկանության ղեկավարների հետ, իսկ ուժային նշված կառույցների անձնակազմի դուրս գալուց հետո ՀՀ ՊՆ ղեկավար կազմն է ներս մտել, այդ թվում՝ պաշտպանության նախարար Միքայել Հարությունյանը: Ի դեպ, մեր հետ խորհրդակցությանը, որքան հիշում եմ, մասնակցում էին այլ ուժային կառույցների միայն ղեկավարները: Քոչարյանի հետ խորհրդակցության սենյակում էր նաև վարչապետ, հաղթող թեկնածու Սերժ Սարգսյանը: Խորհրդակցությունը սկսվեց լարված մթնոլորտում, այն սկսվեց Երևանում տեղի ունեցող իրադարձությունից»,-Կարապետյանի ցուցմունքը ներկայացրեց Հայկ Ալումյանը:

Դատավոր Գրիգորյանը միջամտեց և հորդորեց ցուցմունքն ամբողջությամբ չկարդալ: Ալումյանը շարունակեց, թե խորհրդակցության ընթացքում խոսք է գնացել պաշտպանության փոխնախարար Մանվել Գրիգորյանի և ԵԿՄ-ի մասին, մասնավորապես` որ Մանվել Գրիգորյանը և նրա ղեկավարած կառույցը միացել էին ընդդիմադիր քաղաքական ուժերին:

««Խոսք գնաց ԵԿՄ անդամների և Մանվել Գրիգորյանի զինվածության մասին, ինչն իրենից վտանգ էր ներկայացնում»: Սա դեռ Արշակ Կարապետյանն է ասում»,- լրացրեց փաստաբանը, և դատավորի դիտողությունից հետո, թե հարկ է առավել սեղմ ներկայացնել, շարունակեց ներկայացնել Արշակ Կարապետյանի ցուցմունքը:

««Որքան հիշում եմ՝ դրանից հետո Քոչարյանն ասաց՝ այսօրվանից՝ 00.00-ից, հայտարարում եմ արտակարգ դրություն»: Տեսեք ինչն է կարևոր, մենք եկանք, հասանք այն միակ բանին, որն Արշակ Կարապետյանի ցուցմունքը բնորոշվում է որպես կասկած առաջացնող: Մեղադրողն ուրիշ ձև էր ներկայացնում, բայց այստեղ տեսեք` ինչ է ասում. «Որքան հիշում եմ՝ դրանից հետո Քոչարյանն ասաց, որ այսօրվանից՝ 00.00-ից, հայտարարում եմ արտակարգ դրություն, որին անմիջապես հաջորդեց Սերժ Սարգսյանի առաջարկը, որ ստեղծվի առանձին զինվորական վարչակազմ՝ Յուրի Խաչատուրովի գլխավորությամբ, քանի որ նա էր Երևանի կայազորի պետը: Խորհրդակցության ավարտից հետո սպաների մի հատվածի մոտ դժգոհություն առաջացավ, թե ինչու պիտի ընդգրկվեն Երևանում տեղի ունեցող իրադարձություններում: Նախագահ Ռոբերտ Քոչարյանը մարտի 1-ին հրապարակել է արտակարգ դրություն հայտարարելու մասին հրամանագիրը, չնայած ՀՀ ԶՈւ-ին արտակարգ դրություն հայտարարել էր փետրվարի 23-ին»: Այսինքն՝ գերագույն գլխավոր հրամանատարը առնվազն բանավոր հրաման էր տվել, ինչն էլ պաշտպանության նախարար Միքայել Հարությունյանը կատարել էր: Սրան են մեղադրողները հղում անում: Ես օբյեկտիվ եղա և ներկայացրեցի մյուս կողմի փաստարկը: Հիմա տեսեք՝ Սերժ Սարգսյանը հերքել է Արշակ Կարապետյանի ասածը՝ հայտնելով, որ խորհրդակցությունը հրավիրել է Ռոբերտ Քոչարյանը, խորհրդակցությանը մասնակցել է ԶՈւ բարձրաստիճան սպայական կազմը, որի ընդհանուր նպատակը եղել է ԶՈՒ ղեկավար կազմին նախազգուշացնել, որ «ցուցարարների ղեկավարներն այդ պրոցեսների մեջ են ներգրավում զինված ուժերի սպաներին, և որ նրանց է միացել փոխնախարարներից մեկը»: Այսինքն՝ նպատակն է եղել զգուշացնել, որ սպաները չներգրավվեն պրոցեսների մեջ»,- ամփոփեց Ալումյանը, որի խոսքը ժամանակ առ ժամանակ դատավորն ընդհատում էր:

ՀՀ  երկրորդ նախագահ Ռոբերտ Քոչարյանն արձագանքեց.  «Այս ամենը չէր լինի, եթե ժամանակին քննչական մարմինը և դատախազությունն այդ նյութերը ներկայացրած լինեին: Մենք ստիպված լրացնում ենք այն բացը, որը թույլ են տվել քննչական մարմինը և զինդատախազությունը: Սա է պատճառը: Եթե դուք կարծում եք, որ սա մեջբերում չէ՞... Ամեն մի ցուցմունքը 10, 15, 20, 30 էջերից է կազմված: Բազմաթիվ տարբեր հարցեր են տալիս: Եթե մեջբերումի տակ հասկանում ենք մեկ նախադասություն, ապա այդ մեկ նախադասությամբ չես կարող արտահայտել այն, ինչն ուզում ես ասել: Կրկնում եմ՝ պատճառը մեկն է, եթե նրանք ներկայացրած լինեին այդ ամենը, այսօրվա այս վիճակը մենք չէինք ունենա: Մենք այն բացն ենք լրացնում, որը հատուկ թույլ էր տրվել քննչական մարմինների կողմից»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica