close
Եղանակը Երևանում
17 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
17 Հլս 2019
USD1476.45
GBP1590.89
EUR1534.43
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դոնալդ Թրամփ-կրտսերը կպատասխանի «ռուսական գործով»` օրենսդիրների հարցերին

Աշխարհ

15 Մայիսի 2019, 13:24
 Դոնալդ Թրամփ-կրտսերը կպատասխանի «ռուսական գործով»` օրենսդիրների հարցերին

ԱՄՆ նախագահի որդին՝ Դոնալդ Թրամփ-կրտսերը, համաձայնել է ԱՄՆ Կոնգրեսի Սենատի հետախուզության հատուկ հանձնաժողովի օրենսդիրների պահանջին, այն է` պատասխանել հարցերին, որոնք վերաբերում են Ռուսաստանի միջամտությանը 2016 թվականի ընտրություններին: Այս մասին հայտնում է ամերիկյան The New York Times-ը:

Հանձնաժողովի նախագահ Ռիչարդ Բերը դեռ անցած շաբաթ մյուս հանրապետականներին տեղեկացրել էր, որ նախագահի որդուն ծանուցմամբ կանչել են լսումների։ Մինչ այդ Թրամփ-կրտսերը երկու անգամ ընդունել է հրավերը, բայց ավելի ուշ` հրաժարվել:

Հավելվում է, որ նրան ծանուցում ուղարկելու որոշումը քննադատության է արժանացել ԱՄՆ նախագահի կողմնակիցների շրջանում։

ԱՄՆ նախագահի որդին և օրենսդիրները պայմանավորվել են, որ հունիսի կեսին կայանալիք հանդիպումը փակ է լինելու։ Այն կտևի ոչ ավելի, քան չորս ժամ։ Օրենսդիրները կկարողանան հարցեր տալ միայն մի քանի թեմաների վերաբերյալ։

Հիշեցնենք, որ ԱՄՆ արդարադատության նախարարությունն ապրիլի 18-ին հրապարակել էր հատուկ դատախազ Ռոբերտ Մյուլլերի ամփոփիչ զեկույցը, որը դեռևս 2017 թվականի մայիսից զբաղվում էր հետաքննությամբ՝ պարզելու, թե արդյո՞ք Ռուսաստանը փորձել է ազդեցություն ունենալ ԱՄՆ նախագահական ընտրությունների ընթացքի վրա։ Դատախազը խոստովանել էր, որ Մոսկվայի հետ Դոնալդ Թրամփի ընտրական շտաբի աշխատակիցների որևէ խարդախություն հայտնաբերել չի հաջողվել։

Գումգաբուի նոր հայերը
17 Հուլիսի 2019, 20:00 Գումգաբուի նոր հայերը
ԱԱԾ-ն՝ ֆեսյբուքում
17 Հուլիսի 2019, 18:32 ԱԱԾ-ն՝ ֆեսյբուքում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica