close
Եղանակը Երևանում
21 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
21 Օգս 2019
USD1475.90
GBP1575.55
EUR1527.39
RUB17.13
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տարածաշրջանում կասկածելի գործողություններն ուղղված են լարվածության սրմանը. Զարիֆ

Տարածաշրջան

14 Մայիսի 2019, 14:04
 Տարածաշրջանում կասկածելի գործողություններն ուղղված են լարվածության սրմանը. Զարիֆ

Նյու Դելի այցելած` Իրանի ԱԳ նախարար Մոհամմադ Ջավադ Զարիֆն այսօր՝ մայիսի 14-ին, հանդիպել է Հնդկաստանի իր գործընկերոջ` Սուշմա Սուարաջի հետ. տեղեկացնում է ԻՌՆԱ-ն:

Հանդիպման ավարտին լրագրողների հետ զրույցում Զարիֆը, անդրադառնալով հանդիպման ընթացքում քննարկվող թեմաներին, ասել է. «Այս օրերին մենք մեր մերձավոր գործընկերներին, այդ թվում՝ Ռուսաստանին, ներկայացնում ենք Իրանի Իսլամական Հանրապետության դիրքորոշումները: Այսօրվա հանդիպման ընթացքում էլ հնդկական կողմին ներկայացրեցինք Միջուկային համապարփակ համաձայնագրի հետ կապված վերջին իրադարձությունները եւ այդ ուղղությամբ Իրանի ձեռնարկած քայլերը»:

Ըստ նրա՝ մյուս կողմերի պես Հնդկաստանի ԱԳՆ ղեկավարը եւս շեշտել է, որ Իրանը պետք է օգտվի Միջուկային գործարքով նախատեսված` իր առավելություններից` նշելով, որ այդ կապակցությամբ անհրաժեշտ է գործնական քայլեր ձեռնարկել:

Իրանի արտաքին քաղաքական գերատեսչության ղեկավարը նշել է, որ հանդիպման ժամանակ անդրադարձ է կատարվել նաեւ վերջին օրերին տարածաշրջանում տեղի ունեցող կասկածելի գործողություններին (խոսքը նախօրեին ԱՄԷ Ֆուջեյրա նավահանգստում չորս նավթատար առեւտրային նավերի դեմ իրականացված սաբոտաժի մասին է-խմբ.):

«Հանդիպման ընթացքում զրուցեցինք նաեւ տարածաշրջանում կասկածելի գործողությունների եւ սաբոտաժի հետ կապված մտահոգությունների մասին ու հայտարարեցինք, որ մենք կանխատեսել էինք տարածաշրջանում լարվածության սրմանն ուղղված նման գործողությունների կազմակերպումը»,- ասել է Զարիֆը:

 
Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica