close
Եղանակը Երևանում
23 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
23 Օգս 2019
USD1475.91
GBP1577.33
EUR1527.40
RUB17.25
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ստամբուլի նորընտիր քաղաքապետը վերջապես ստացավ մանդատը

Տարածաշրջան

18 Ապրիլի 2019, 09:54
 Ստամբուլի նորընտիր քաղաքապետը վերջապես ստացավ մանդատը

Երեկ Թուրքիայի Բարձրագույն ընտրական հանձնաժողովը հանձնեց Ստամբուլի քաղաքապետի մանդատը քեմալական Հանրապետական-ժողովրդական կուսակցության թեկնածու Էքրեմ Իմամօղլուին: Իմամօղլուն մարտի 31-ի ՏԻՄ ընտրությունների արդյունքներով առավելության էր հասել իշխող «Արդարություն և զարգացում» կուսակցության թեկնածու, Թուրքիայի նախկին վարչապետ և ԹԱՄԺ նախագահ Բինալի Յըլդըրըմի նկատմամբ:

Սկզբնական արդյունքներով` Իմամօղլուն 12 մլն ընտրող ունեցող Ստամբուլ քաղաքում ստացել էր ընդամենը 29.000 քվեների առավելություն մրցակցի նկատմամբ: Սակայն ԱԶԿ-ի բողոքարկման արդյունքում անվավեր ճանաչված քվեների վերահաշվարկ տեղի ունեցավ, և ձայների առավելությունը նվազեց մինչև 13.000-ի:

ԱԶԿ-ն ապրիլի 16-ին պաշտոնապես դիմել էր ԲԸՀ` Ստամբուլի ընտրության արդյունքները չեղյալ հայտարարելու և կրկնընտրություն կազմակերպելու պահանջով: Նույնն արել էր նաև ԱԶԿ-ի հետ դաշինք կազմած «Ազգայնական շարժում» կուսակցությունը:

Չնայած ԱԶԿ-ի ջանքերին` 18 օր տևած վերահաշվարկներից ու քննարկումներից հետո ԲԸՀ-ն երեկ վերջապես հանձնեց մանդատը Իմամօղլուին: Նորընտիր քաղաքապետն արդեն շնորհավորանքներ է ստանում, ինչպես թուրքական կուսակցություններից (մասնավորապես` քրդամետ Ժողովուրդների դեմոկրատական կուսակցությունից), այնպես էլ արտասահմանից:

Բինալի Յըլդըրըմը հայտարարել է, որ կուսակցությունը շարունակելու է օրենքի շրջանակներում պահանջել ընտրության չեղարկում: Չեղարկման վերաբերյալ ԲԸՀ-ն դեռևս ոչ մի հայտարարություն չի արել:

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica