close
Եղանակը Երևանում
25 Մայիսի 2019
-2°
+3°Ցերեկ
-3°Գիշեր
weather
close
Փոխարժեք
25 Մայ 2019
USD1480.03
GBP1609.35
EUR1537.15
RUB17.44
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հելսինկիում քաղաքական խորհրդակցություններ են կայացել Հայաստանի և Ֆինլանդիայի արտաքին քաղաքական գերատեսչությունների միջև

Քաղաքական

17 Ապրիլի 2019, 23:07
 Հելսինկիում քաղաքական խորհրդակցություններ են կայացել Հայաստանի և Ֆինլանդիայի արտաքին քաղաքական գերատեսչությունների միջև

Ապրիլի 16-ին Հելսինկիում Հայաստանի և Ֆինլանդիայի արտաքին քաղաքական գերատեսչությունների միջև անցկացվեցին քաղաքական խորհրդակցություններ։ Հայկական պատվիրակությունը գլխավորում էր ԱԳՆ Եվրոպայի վարչության պետ Տիգրան Սամվելյանը, իսկ ֆիննականը՝ ԱԳՆ Ռուսաստանի, Արևելյան Եվրոպայի և Կենտրոնական Ասիայի դեպարտամենտի գլխավոր տնօրեն Մաիմո Հենրիկսոնը (Maimo Henriksson)։

Հանդիպման մեկնարկին կողմերը կարևորեցին խորհրդակցությունների անցկացման պարբերականության պահպանումը, անդրադարձան երկու երկրներում ընթացող ներքաղաքական զարգացումներին։

Զրուցակիցները քննարկեցին հայ-ֆիննական քաղաքական օրակարգի հարցերի լայն շրջանակ, կարևորեցին համագործակցության հետագա խորացումը երկկողմ հետաքրքրություն ներկայացնող ոլորտներում։ Անդրադարձ կատարվեց Հայաստան-ԵՄ հարաբերություններին, Արևելյան գործընկերությանը, քննարկվեցին միջխորհրդարանական կապերի ամրապնդմանը, միջազգային կազմակերպությունների շրջանակներում երկու երկրների համագործակցության ընդլայնման հեռանկարները:

Հայկական պատվիրակության ներկայացուցիչներն իրենց ֆին գործընկերներին ներկայացրեցին վերջին տարում Հայաստանում տեղ գտած զարգացումները, կառավարության կողմից իրականացվող բարեփոխումների գործընթացը՝ ուղղված ժողովրդավարության, մարդու իրավունքների պաշտպանության և օրենքի գերակայության ամրապնդմանը, ինչպես նաև երկրում հռչակված տնտեսական հեղափոխության առաջնայնությունները։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica