close
Եղանակը Երևանում
16 Սեպտեմբերի 2019
-2°
+3°Ցերեկ
-3°Գիշեր
weather
close
Փոխարժեք
16 Սեպ 2019
USD1476.18
GBP1592.94
EUR1528.61
RUB17.41
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կարողացել ենք խորությամբ հասկանալ այն պահերը, որոնք հայկական կողմի հետ խնդիրներ էին առաջացնում. Մամեդյարով

Արցախ

16 Ապրիլի 2019, 10:16
 Կարողացել ենք խորությամբ հասկանալ այն պահերը, որոնք հայկական կողմի հետ խնդիրներ էին առաջացնում. Մամեդյարով

Մոսկվայում  Հայաստանի, Ադրբեջանի, Ռուսաստանի ԱԳ նախարարների և ԵԱՀԿ ՄԽ համանախագահների մասնակցությամբ հանդիպման ընթացքում քննարկվել են մի քանի առաջարկություններ, որոշվել են լուծումներ: Այդ մասին լրագրողներին ասել է Ադրբեջանի ԱԳՆ ղեկավար Էլմար Մամեդյարովը. հայտնում է Haqqin.az-ը:

«Կայացել են լայն առարկայական բանակցություններ… Քննարկվել են հարցեր, որոնք մինչ օրս խոչընդոտել են  բանակցությունների առաջխաղացմանը: Չեմ կարող ասել լիարժեք առաջխաղացման մասին: Սակայն մենք կարողացանք ավելի մանրամասն և խորությամբ հասկանալ այն պահերը, որոնք հայկական կողմի հետ խնդիրներ էին առաջացնում»,- ասել է Մամեդյարովը:

Նախարարը հավելել է, որ քննարկումները տարվել են Ռուսաստանի կողմից 2016-ին առաջարկված պլանի շուրջ:

«Բնական է, որ մի հանդիպման ժամանակ  բոլոր հարցերը հնարավոր  չէ լուծել: Այդ հանդիպման ձեռքբերումը եղավ այն, որ մենք հասկացանք` ինչ խնդիրներ կան, ինչ խնդիր պետք է լուծել: Օրինակ` Հայաստանը բարձրացնում է կարգավիճակի և անվտանգության հետ կապված հարցեր: Իսկ մենք առաջին հերթին շեշտը դնում ենք օկուպացված տարածքներից հայկական զորքերի դուրս բերման  և բռնագաղթածների` հարազատ հողեր վերադարձի վրա: Քննարկումները եղել են այդ 4 հարցի շուրջ: Որոշում է կայացվել շարունակել բանակցությունները»,- ասել է նա:

 «Ինչ վերաբերում է Հայաստանի  և Ադրբեջանի ղեկավարների հանդիպմանը, ապա նախ պետք է հանդիպեն նախարարները: Եվ արդեն այդ հանդիպումից հետո, եթե տեսնենք, որ խնդրահարույց հարցեր են առաջանում, կհանդիպեն Հայաստանի վաչապետը և Ադրբեջանի նախագահը: Ամենայն հավանականությամբ, համանախագահները մոտ ժամանակներս կայցելեն տարածաշրջան»,- հավելել է Մամեդյարովը:

Բերքի տոն՝ Երևանում
14 Սեպտեմբերի 2019, 16:05 Բերքի տոն՝ Երևանում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica