close
Եղանակը Երևանում
21 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
21 Ապր 2019
USD1482.31
GBP1627.00
EUR1542.36
RUB17.54
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դասախոսություն՝ Ախալքալաքի Երիտասարդական կրթամշակութային կենտրոնում

Հասարակություն

14 Ապրիլի 2019, 13:57
 Դասախոսություն՝ Ախալքալաքի Երիտասարդական կրթամշակութային կենտրոնում

Ապրիլի 13-ին Ախալքալաքի Երիտասարդական կրթամշակութային կենտրոնում անցկացվեց դասախոսություն՝ Թումանյանի և Կոմիտասի 150-ամյակին նվիրված դասախոսությունների շարքից: Բանախոսեց ԱԵԿ-ի երգարվեստի խմբակի ղեկավար Նազիկ Հակոբյանը՝ «Կոմիտաս, դու խազերի մեր քերական» թեմայով: Դասախոսությունը համեմվեց Կոմիտասի հեղինակած երաժշտական կատարումներով, «Շորոր» պարով, ներկայացվեց հատվածներ Պարույր Սևակի «Անլռելի զանգակատուն» պոեմից:

Երգերին ձայնակցեց նաև հանդիսատեսը, առանձին կատարումներով և ողջույնի խոսքով հանդես եկան ԱԵԿ-ի հայոց պատմության ղեկավար Վաչագան Ռստակյանը և երաժիշտ-ջութակահար Սեդրակ Չոբանյանը: Միջոցառումն իրենց ներկայությամբ պատվեցին Սամցխե-Ջավախքի և Ծալկայի ընդհանուր առաջնորդական փոխանորդ Հոգեշնորհ Տեր Մաղաքիա վարդապետ Ամիրյանը եւ Ախալքալաքի Սուրբ Խաչ եկեղեցու քահանա Տեր Նարեկ Տիգրանյանը։

Ներկա էին նաեւ Ախալքալաքի շրջանի հայկական հանրային դպրոցներից մանկավարժներ, աշակերտներ, ծնողներ եւ լրագրողներ: Միջոցառումն ամփոփվեց ԱԵԿ-ի պատասխանատու Կարինե Թադևոսյանի և Մաղաքիա վարդապետ Ամիրյանի եզրափակիչ խոսքով եւ «Տերունական Աղոթքի» հնչեցմամբ:

 

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica