close
Եղանակը Երևանում
21 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
21 Հլս 2019
USD1476.48
GBP1596.79
EUR1535.52
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նազենի Ղարիբյանը շատ բաներից տեղյակ չէ. Նիկոլայ Ծատուրյան

Մշակույթ

5 Ապրիլի 2019, 14:06
 Նազենի Ղարիբյանը շատ բաներից տեղյակ չէ. Նիկոլայ Ծատուրյան

ՀՀ վաստակավոր արտիստ, ռեժիսոր Նիկոլայ Ծատուրյանի կարծիքով` մշակույթի նախարարի պաշտոնակատար Նազենի Ղարիբյանը ոչ միայն Համազգային թատրոն կառուցելու փաստի, այլ նաև շատ այլ բաների մասին տեղյակ չէ:

Լրագրողների հետ այսօրվա հանդիպման ժամանակ նա ասաց, որ կիսում է Փաշինյանի այն թեզը, թե ժողովուրդն է իշխանության ու երկրի տերը, բայց հենց ինչ-որ բան են վերևներում որոշում ու իրագործում, առանց մարդկանց կարծիքը հայտնելու, այդ ժողովրդավարությունը հրամայավարության է վերածվում:

 «Կարող էին, չէ՞, օպերայի թատրոնի անձնակազմին տեղեկացնել` Օրբելյանին փոխում ենք, այդ մարդկանց հետ խոսեին, բացատրեին, թե ինչի համար ու ինչից դրդված են այդ որոշումն ընդունում: Տիկին Նազենին ասում է, թե օրենքն այդպես է սահմանում: Ըստ իս` օրենքն անընդհատ պետք է փոխել: Մեր հարևան Վրաստանում թատրոնի գեղարվեստական ղեկավարն ու տնօրենը մեկ անձ է, կոչվում է` թատրոնի կառավարիչ: Մեզ մոտ էլ էր նախկինում այդպես, երբ հայտնի ռեժիսորները նաև թատրոնի կառավարիչներին էին»,- ասաց Ծատուրյանը:

Ռեժիսորն ընդգծեց, որ օրենքը «բոբո» չէ, այն վերանայելն էլ անհրաժեշտություն է: «Թե չէ` թատրոն են բերում բոլորովին օտար մարդու, որ ո՛չ թատրոնից է հասկանում, ո՛չ թատրոնի համար ցավում է սիրտը: Գալիս, նստում են, որ ինչ-որ տեղից փող հայթայթեն: Ախր հերիք է, էլի, զզվեցինք, էլի»,- ասաց Նիկոլայ Ծատուրյանը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica