close
Եղանակը Երևանում
23 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
23 Ապր 2019
USD1481.98
GBP1626.09
EUR1542.18
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հերոս հորս սպանողը դեռևս ազատության մեջ է. դավադիր գնդակից ընկած ազատամարտիկի դուստր

Բլոգեր

1 Ապրիլի 2019, 17:42
 Հերոս հորս սպանողը դեռևս ազատության մեջ է. դավադիր գնդակից ընկած ազատամարտիկի դուստր

2013 թ. ապրիլի 2-ին դավադրաբար սպանված` Պռոշյանի դաշնակցական գյուղապետ, ազատամարտիկ Հրաչ Մուրադյանի դուստրը ֆեյսբուքյան իր էջում գրառում է կատարել` կոչ անելով միանալ վաղը ՀՀ դատախազության շենքի առջև անցկացվելիք բողոքի ակցիային:

«Ես Հայկուհի Մուրադյանն եմ` ազատամարտիկ, դաշնակցական գյուղապետ Հրաչ Մուրադյանի դուստրը: 6 տարի առաջ հորս`Արցախյան ազատամարտի հերոս Հրաչ Մուրադյանին դավադրաբար սպանեցին հենց մեր գյուղում աշխատանքային պարտականությունները կատարելիս: Ցավոք, սպանությունը մինչ օրս բացահայտված չէ: Չնայած պետական ամենաբարձր մակարդակով տրված բոլոր խոստումներին`քրեական գործը կարճվել է: Հերոս հորս սպանողը դեռևս ազատության մեջ է, և դեռ պարզ չէ` քանի հերոսի կյանք կարող է խլել դավադիր ձեռքից արձակված գնդակը...

Ես, իմ ընտանիքը, մեր բոլոր ընկերները հանգիստ չենք գտնելու` մինչև այս գործը չբացահայտվի, և մեղավորները չստանան իրենց հարիր պատիժը: 

Բոլոր նրանց, ում համար արդարությունը լոկ բառ չէ, կոչ եմ անում վաղը` ապրիլի 2-ին, ժամը 15:00-ին միանալ մեզ ՀՀ դատախազության շենքի դիմաց` արդարության վերահաստատման պահանջով:

Արդարությունդ կանչում է, ՊԱ'Պ... »,- գրել է Հայկուհի Մուրադյանը:

yerkir.am
Ամենաշատ ընթերցվածները
Yandex.Metrica