close
Եղանակը Երևանում
22 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
22 Հլս 2019
USD1476.48
GBP1596.79
EUR1535.52
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պետությունը գրագողությունը բացառելու նպատակով կներդնի հակապլագիատ համակարգ

Իրավունք

26 Մարտի 2019, 19:40
 Պետությունը գրագողությունը բացառելու նպատակով կներդնի հակապլագիատ համակարգ

Բարձրագույն որակավորումների կոմիտեն աշխատանքներ է կատարում հակապլագիատ համակարգի ներդրման ուղղությամբ: ԱԺ-ում այս մասին կուրսային, դիպլոմային աշխատանքների վաճառքով զբաղվող կազմակերպությունների գովազդն արգելելու վերաբերյալ նախագծի քննարկմանն իր ելույթում ասաց ՀՀ կրթության և գիտության փոխնախարար Արևիկ Անափիոսյանը:

«Բարձրագույն որակավորումների կոմիտեն աշխատանքներ է կատարում հակապլագիատ համակարգի ներդրման ուղղությամբ: Հայերենով բավարար քանակությամբ բազա պետք է ստեղծվի: Դա որոշակի ջանքեր է ենթադրում, և այդ ուղղության գործողություններ տարվում են»,-ասաց Անափիոսյանը:

Նա նաև տեղեկացրեց, որ Բարձրագույն որակավորման կոմիտեի և Գիտության կոմիտեի կողմից այսօր մշակվում է հանդեսների վարկանիշավորման համակարգ: Դրանով ընդգրկվելու է մի չափանիշ, որ եթե այդ հանդեսների մեջ տեղ գտած հոդվածներից որևէ մեկում լինի գրագողության դեպք, ապա այդ հանդեսի վարկանիշը կարող է իջնել:

Անափիոսյանը գրագողությունը, գումարով դիպլոմային, կուրսային աշխատանքները գնելը կանխելու նպատակով կարևորեց, որ բուհերում լինեն որոշակի դասընթացներ` հետազոտության մեթոդաբանության առումով, որ ուսանողներն իմանան, թե ինչպես կարող են գրել էսսեներ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica