close
Եղանակը Երևանում
24 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
24 Հլս 2019
USD1476.13
GBP1592.26
EUR1532.17
RUB17.54
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ներդրումներ չեն լինի այնքան ժամանակ, քանի դեռ չունենք Հարկային նոր օրենսգիրք. նախարար

Հասարակություն

25 Մարտի 2019, 13:49
 Ներդրումներ չեն լինի այնքան ժամանակ, քանի դեռ չունենք Հարկային նոր օրենսգիրք. նախարար

Ներդրումներ չեն լինի այնքան ժամանակ, քանի դեռ սահմանված չեն խաղի նոր կանոններ, այսինքն`ներկայացված չէ Հարկային նոր օրենսգիրք:  Այս մասին ասաց տնտեսական զարգացման ու ներդրումների նախարար Տիգրան Խաչատրյանը ԱԺ տնտեսական հանձնաժողովի նիստում:  

Ի պատասխան այս պնդմանը` պատգամավորներից Արտյոմ Ծառուկյանը հարց տվեց, թե ինչու արդեն 8 ամիս է`չի ներկայացվում Հարկային նոր օրենսգիրքը։

Նախարարը պատասխանեց, որ Հարկային օրենսգրքում լինելու են այնպիսի շրջադարձային փոփոխություններ, որոնք էական ազդեցություն են ունենալու ներդրումային միջավայրի վրա, և որ փոփոխություննեն առաջացրել են հանրային լուրջ քննարկումներ: «Դրանց անդրադառնալիս էլ կառավարությունը փորձում է կարգավորումներ սահմանել յուրաքանչյուր փոքր խմբի տնտեսվարողների համար։ Կառավարությունը փորձում է  բոլոր տեսակետները լսել և, ի վերջո, բերել փաստաթուղթ, որի շուրջ քննարկումները բավականաչափ ծավալված են, և տեսակետները հասկացված են: ԱԺ-ում ևս տեսակետների ճշգրտումներ են լինելու, ուղղակի աշխատում ենք գալ փաթեթով, որը հնարավորինս հղկված կլինի: Իսկ եթե կան տեսակետներ, որոնք խնդիրներ են, կգանք պարզաբանումներով և ընդհանուր որոշում կկայացնենք: Սա է պատճառը, որ Հարկային նոր օրենսգիրքն ուշանում է»,- ասաց Խաչատրյանը` հավելելով, որ ինքը չի համարում, թե դա ձգձգում է։ «Դա ընդամենը նշանակում է, որ մենք ժամանակն օգտագործում ենք, որպեսզի բոլոր տեսակետները ևս մեկ անգամ լսենք»,- շեշտեց նախարարը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica