close
Եղանակը Երևանում
26 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
26 Ապր 2019
USD1481.57
GBP1620.02
EUR1536.23
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե դատապարտյալը պատշաճ վարքագիծ դրսևորի, կկարողանա ավելի շատ հանդիպումներ ունենալ ընտանիքի անդամների հետ. Արտակ Զեյնալյան

Իրավունք

19 Մարտի 2019, 11:50
 Եթե դատապարտյալը պատշաճ վարքագիծ դրսևորի, կկարողանա ավելի շատ հանդիպումներ ունենալ ընտանիքի անդամների հետ. Արտակ Զեյնալյան

Մեկնարկել է ԱԺ պետաիրավական հարցերի մշտական հանձնաժողովի հերթական նիստը: Օրակարգում 2 հարց է, որոնցից մեկը վերաբերում է 2018 թվականի հունիսի 1-ին հավանության արժանացած` ՀՀ կառավարության ծրագրի և արդյունքների մասին զեկույցին: Հիմնական զեկուցողն է ՀՀ արդարադատության նախարար Արտակ Զեյնալյանը:

Նա անդրադարձավ դատապարտյալների տեսակցության իրավունքի իրացմանը` մասնավորապես նշելով, որ մերձավոր ազգականների հետ կարճատև տեսակցության հնարավորություն չունեցող, ինչպես նաև օտարերկրյա քաղաքացիներ հանդիսացող դատապարտյալների համար տեսակցության իրավունքի իրականացումն ապահովելու նպատակով կարճատև տեսակցության փոխարեն ամսվա ընթացքում 2 անգամ մինչև 20 րոպե տևողությամբ տեսազանգից օգտվելու հնարավորություն է ստեղծվել և ընձեռվել:

«Առանձնապես ծանր հանցագործության համար որոշակի ժամկետով ազատազրկման կամ ցմահ ազատազրկման դատապարտված անձանց համար կարճատև և երկարատև տեսակցությունների թիվը կրկնապատկվել է: Տարվա ընթացքում առնվազն 6 կարճատև և 2 երկարատև տեսակցության տրամադրման հնարավորություն է ստեղծվել: Սա նվազագույն շեմն է»,- նշեց Զեյնալյանը` հավելելով. «Եթե անձը պատշաճ վարքագիծ դրսևորի, համապատասխան սենյակները կլինեն ազատ, ծանրաբեռնված չեն լինի այլ անձանց՝ այս իրավունքից օգտվելու հանդիպումներով, ապա անձը կկարողանա նաև ավելի շատ հանդիպումներ ունենալ իր ընտանիքի անդամների հետ»:

Անդրադառնալով կալանավորված քաղաքացիների` քաղաքացիա-իրավական գործարքներին մասնակցելու սահմանադրական իրավունքի իրացմանը` Զեյնալյանը շեշտեց, որ վերոնշյալ անձինք իրավունք կունենան ազատազրկման վայրում գտնվելիս հենց այս նպատակով ստանալու ժամանակավոր վկայական:

Նախարարը ներկայացրեց նաև մի շարք քրեակատարողական հիմնարկներում կատարված վերանորոգումների մասին տեղեկատվություն` շեշտելով, որ կառավարությունը 270 միլիոն 858 հազար դրամ է տրամադրել մի քանի քրեակատարողական հիմնարկների, մասնավորապես՝ «Նուբարաշեն», «Վարդաշեն», «Սևան» քրեակատարողական հիմնարկներում պահվող դատապարտյալների և կալանավորված անձանց կոմունալ-կենցաղային պայմանների բարելավման համար: «Վերջին 10 տարիների ընթացքում առաջին անգամ պետական բյուջեից քրեակատարողական համակարգի պահպանման համար կապիտալ վերանորոգման նպատակով միջոցներ են հատկացվել»,- հայտնեց նա:

Ինչ վերաբերում է վարչական համաներման իրականացմանը, ապա Զեյնալյանը փաստեց, որ համաներման արդյունքում 108 հազար 916 անձանց նկատմամբ կիրառվել է համաներում, կարճված կատարողական վարույթների թիվը 1 միլիոն 259 հազար 177 է: Ըստ նախարարի` տեղի է ունեցել նաև քրեական համաներում: «Արդյունքում` քրեակատարողական հիմնարկներից ազատված դատապարտյալների թիվը մարտի 13-ի դրությամբ 627 է: Պրոբացիոն ծառայությունում համաներում է կիրառվել 2342 շահառուի նկատմամբ: Երևանի 4 բժշկական կենտրոններն ունենալու են կալանավորների համար նախատեսված բաժանմունքներ: Ոչ միայն Երևանի, այլև Վանաձորի, Գյումրու և Գորիսի որոշ բժշկական հաստատություններ կունենան հատուկ բաժանմունքներ՝ նախատեսված կալանավորների և դատապարտյալների համար: Պատիժը կրելու պայմանական վաղաժամկետ ազատվելու ինստիտուտը, որը տարիներ շարունակ պատշաճ չէր կիրառվել ցմահ ազատազրկման դատապարտված անձանց նկատմամբ, սկսել է գործել: Պատժի կրումից պայմանական վաղաժամկետ ազատվել է ցմահ ազատազրկման դատապարտված անձ»,- եզրափակեց արդարադատության նախարարը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica