close
Եղանակը Երևանում
24 Հունվարի 2019
-2°
+3°Ցերեկ
-3°Գիշեր
weather
close
Փոխարժեք
24 Հնվ 2019
USD1485.18
GBP1629.86
EUR1550.92
RUB17.33
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Ռիվեր Փլեյթը»՝ «դարի եզրափակիչ» հաղթող

Սպորտ

10 Դեկտեմբերի 2018, 18:17
 «Ռիվեր Փլեյթը»՝ «դարի եզրափակիչ» հաղթող

Երեկ՝ ուշ երեկոյան, Մադրիդի «Սանտյագո Բեռնաբեուու» ստադիոնում կայացավ Հարավային Ամերիկայի ակումբային ֆուտբոլի գլխավոր մրցաշարի՝ Լիբերտադորեսի գավաթի եզրափակչի պատասխան հանդիպումը: Խաղադաշտ դուրս եկան արգենտինական ֆուտբոլի երկու հսկաները՝ «Ռիվեր Փլեյթը»-ն ու «Բոկա Խունիորս»-ը:

Այս հանդիպումը պետք է կայանար դեռևս երկու շաբաթ առաջ, Բուենոս Այրեսի «Մոնումենտալ» ստադիոնում, որը «Ռիվեր»-ի սեփական խաղադաշտն է: Սակայն «Ռիվեր Փլեյթը»-ի երկրպագուների անկարգությունների ու «Բոկա Խունիորս»-ի ֆուտբոլիստների ավտոբուսի վրա հարձակման պատճառով խաղը հետաձգվել էր: Դրանից հետո Հարավային Ամերիկայի ֆուտբոլային կոնֆեդերացիան որոշել էր պատասխան հանդիպումն անցկացնել այլ երկրում:

«Ոխերիմ» հակառակորդների առաջին հանդիպումն ավարտվել էր ոչ-ոքի՝ 2:2 հաշվով: Պատասխան հանդիպման առաջին խաղակեսում, թեև «Ռիվեր»-ի ֆուտբոլիստներն ունեին խաղային և տարածքային որոշակի առավելություն, սակայն, հաշիվն առաջինը բացեցին «Կապտադեղնագույններ»-ը: 44-րդ րոպեին գոլի հեղինակ դարձավ «Բոկա»-ի հարձակվող Դարիո Բենեդետոն:

Երկրորդ խաղակեսի հենց սկզբից «Ռիվեր»-ն ավելացրեց ճնշումը և արդյունքում՝ 68-րդ րոպեին, Լուկաս Պրատոն հաշվում վերականգնեց հավասարությունը: Հանդիպման հիմնական ժամանակն ավարտվեց ոչ-ոքի՝ 1:1 հաշվով և խաղը տեղափոխվեց լրացուցիչ ժամանակ, որի ընթացքում էլ ավելի ուժեղ էին «Միլիոնատերեր»-ը: Նրանց հաջողվեց ևս 2 անգամ գրավել «Բոկա»-ի դարպասը: 109-րդ րոպեին Խուան Կինտերոն հաշիվը դարձրեց 2:1, իսկ 120+2 րոպեին Գոնսալո Մարտինեսը ձևակերպեց վերջնահաշիւը: 3:1, և «Ռիվեր Փլեյթ»-ը 4-րդ անգամ դարձավ Լիբերտադորեսի գավաթը: Պատվավոր գավաթը նրանք նվաճել էին նաև 1986, 1996, 2015 թվականներին:

Ի դեպ, Լիբերտադորեսի գավաթի խաղարկության պատմության ընթացքում սա առաջին անգամն էր, որ արգենտինական ֆուտբոլի երկու հսկաները հանդիպում էին եզրափակչում: Հենց այդ պատճառով էլ մասնագետները շտապել էին այս եզրափակիչն անվանել «դարի եզրափակիչ»:

 

Դավոսյան առաքելություն
24 Հունվարի 2019, 14:20 Դավոսյան առաքելություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica