close
Եղանակը Երևանում
24 Հունվարի 2019
-2°
+3°Ցերեկ
-3°Գիշեր
weather
close
Փոխարժեք
24 Հնվ 2019
USD1485.18
GBP1629.86
EUR1550.92
RUB17.33
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գագաթնաժողով չի կայացել. ՀԱՊԿ-ում մեկնաբանեցին Լուկաշենկոյի հայտարարությունը

Քաղաքական

7 Դեկտեմբերի 2018, 11:22
 Գագաթնաժողով չի կայացել. ՀԱՊԿ-ում մեկնաբանեցին Լուկաշենկոյի հայտարարությունը

Արդեն տեղեկացրել ենք, որ երեկ Բելառուսի նախագահ Ալեքսանդր Լուկաշենկոն հայտարարել էր, որ ՀԱՊԿ նոր քարտուղարը Բելառուսի ներկայացուցիչն է լինելու:

«Մենք ինքնաբերաբար, ասես, ՀԱՊԿ նիստ անցկացրեցինք և որոշեցինք ՀԱՊԿ գլխավոր քարտուղարի նշանակման հարցը»,- ասել էր նա Սանկտ Պետերբուրգում ԵԱՏՄ գագաթնաժողովից հետո:  

Հստակեցնող հարցին ի պատասխան` Լուկաշենկոն հայտարարել էր, որ ՀԱՊԿ նոր գլխավոր քարտուղարը Բելառուսի ներկայացուցիչն է լինելու:

Ավելի ուշ ՀՀ վարչապետի պաշտոնակատար Նիկոլ Փաշինյանի մամուլի խոսնակ Արման Եղոյանը  հայտնել էր, որ ՀԱՊԿ գլխավոր քարտուղարի հարցը չի լուծվել։ «ՀԱՊԿ գլխավոր քարտուղարի նշանակման հարցը լուծված չէ դեռ։ ՀԱՊԿ նիստ ընդհանրապես տեղի չի ունեցել։ Հայաստանի դիրքորոշումն այս հարցում անփոփոխ է»,– ասել էր նա։

Yerkir. am-ն այսօր փորձեց այդ հարցի վերաբերյալ պարզաբանում ստանալ Բելառուսի նախագահի մամուլի քարտուղարից, որի հետ, սակայն չհաջողվեց կապ հաստատել:

Իսկ ՀԱՊԿ մամուլի ծառայությունից մեզ հետ զրույցում ասացին, որ տեղին կլինի մեկնաբանություն ստանալ Լուկաշենկոյի մամուլի քարտուղարից` միևնույն ժամանակ նշելով, որ գագաթնաժողով չի եղել:

Հստակեցնող հարցին` եթե գագաթնաժողով չի կայացել, կարելի՞ է ենթադրել, որ հարցը լուծված չէ, հետևեց լռություն:

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica