close
Եղանակը Երևանում
16 Դեկտեմբերի 2018
-1°
+7°Ցերեկ
+0°Գիշեր
weather
close
Փոխարժեք
16 Դեկ 2018
USD1484.87
GBP1609.92
EUR1547.37
RUB17.30
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանի ու Արցախի միջև մշակութային համագործակցության խնդիրները` ուշադրության կենտրոնում

Արցախ

13 Նոյեմբերի 2018, 23:55
 Հայաստանի ու Արցախի միջև մշակութային համագործակցության խնդիրները` ուշադրության կենտրոնում

Արցախի մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանի գլխավորած պատվիրակությունը նոյեմբերի 12֊ին ՀՀ մշակույթի նախարարությունում էր՝ հայաստանյան գործընկերների հետ քննարկելու Հայաստան-Արցախ մշակութային համագործակցությունն ակտիվացնելու հնարավորությունները:

«Ի թիվս մշակույթի մի շարք ոլորտների, Արցախում փորձում ենք նոր քաղաքականություն մշակել, հատկապես գրադարանների ու թանգարանների ուղղությամբ: 2019-ին շահագործման կհանձնվի Արցախի պատմաերկրագիտական թանգարանի նոր շենքը: Այժմ քայլեր են իրականացվում Շուշիի պատմության թանգարանն առավել բարվոք տարածք տեղափոխելու ուղղությամբ: Ընդհանրապես, Շուշին աստիճանաբար վերածվում է թանգարանային քաղաքի: Այստեղ են գործում ՀՀ կենտրոնական բանկի Դրամի թանգարանը, Գորգերի մասնավոր հավաքածուների թանգարանը: Ի դեպ, Շուշիում է գտնվում նաև Արցախի մշակույթի, երիտասարդության հարցերի և զբոսաշրջության նախարարությունը»,- ՀՀ մշակույթի նախարարի պաշտոնակատար Լիլիթ Մակունցի ու նախարարի տեղակալ Տիգրան Գալստյանի հետ հանդիպմանն ասաց Լեռնիկ Հովհաննիսյանը:

Ինչպես Հայաստանում, այնպես էլ Արցախում մշակույթի առջև ծառացած ամենաբարդ խնդիրները, թերևս, հուշարձանների պահպանության ոլորտում են. հուշարձանները շատ են, միջոցները՝ սուղ: Օժանդակության կարիք ունի Ստեփանակերտի թատրոնը:

Հայաստանյան գործընկերներից Արցախում ակնկալում են ակտիվ համագործակցություն՝ մասնավորապես հուշարձանների վերականգնման, մասնագետների վերապատրաստման, գրահրատարակչության, մշակութային կրթության ոլորտներում:

Թատրոնի շենքի վերանորոգման համար Լիլիթ Մակունցն առաջարկեց համատեղ նախաձեռնություն իրականացնել. դրամահավաք կամ մշակութային միջոցառում, որի ամբողջ հասույթը կտրամադրվի Արցախի թատրոնին: Ինչ վերաբերում է մասնագետների վերապատրաստմանը, ՀՀ մշակույթի նախարարի պաշտոնակատարն առաջարկեց՝ օգտվել Հայաստանում բացված հայ-իտալական տարածաշրջանային վերականգնողական կենտրոնի ընձեռած հնարավորություններից: Գրահրատարակչության ոլորտում ևս Հայաստանում պատրաստակամ են օգնելու արցախյան գործընկերներին:

«Մշակութային շփումները պետք է ակտիվացնել ամենատարբեր միջոցառումներով: Մենք ունենք շրջիկ կինոթատրոններ, որոնց միջոցով կարող ենք կինոցուցադրություններ կազմակերպել ինչպես Արցախի տարբեր շրջաններում, այնպես էլ զորամասերում: Հայաստանում շուտով կմեկնարկի «Քո արվեստը դպրոցում» ծրագիրը: Հետաքրքրության դեպքում՝ այս կամ այն ձևաչափով, ծրագիրը կարելի է տեղափոխել նաև Արցախ»,-ասաց Լիլիթ Մակունցը: Իսկ Լեռնիկ Հովհաննիսյանն ընդգծեց, որ Արցախում արդեն հետաքրքրված են Հայաստանում վերջերս ներդրված Դպրոցական աբոնեմենտային համակարգով:
Ձեռք բերվեցին մի շարք պայմանավորվածություններ, որոնք հետևողականորեն կիրականացվեն։

7 օր առաջնագծում
15 Դեկտեմբերի 2018, 15:05 7 օր առաջնագծում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica