close
Եղանակը Երևանում
10 Դեկտեմբերի 2018
+3°
+7°Ցերեկ
+1°Գիշեր
weather
close
Փոխարժեք
10 Դեկ 2018
USD1484.99
GBP1618.85
EUR1551.29
RUB17.25
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ID քարտերով հարկման մեթոդը ստվերի դեմ պայքարի լավ գործիք չէ. տնտեսագետ

Տնտեսական

10 Նոյեմբերի 2018, 15:06
 ID քարտերով հարկման մեթոդը ստվերի դեմ պայքարի լավ գործիք չէ. տնտեսագետ

Օրեր առաջ   ՀՀ ԿԱ պետական եկամուտների կոմիտեի նախագահ Դավիթ Անանյանը հայտնեց, որ Հարկային օրենսգրքում փոփոխություններով` ID քարտերը (հանրային ծառայությունների համարանիշ) կուտակային կդառնան. տարեկան կտրվածքով կատարված առևտրից քարտատիրոջը տոկոս կվերադարձվի (cashback): Այնինքն`  18-65 տարեկան բոլոր քաղաքացիների ID քարտերը կդառնան կուտակիչ և համակարգի ներդրման առաջին տարում նրանք հետ կստանան կատարած գնումների 1%-ը, երկրորդ տարում՝ 2%-ը, երրորդում 3%-ը, և այդպես շարունակ:

 «Երբ քաղաքացին գնա հաց գնելու, հարկային համակարգում նրա անվան դիմաց գործարքի գումարը կգրանցվի»,- նշել էր Դավիթ Անանյանը` հավելելով, որ համակարգը ՀՀ բոլոր քաղաքացիներին դարձնում է ՀԴՄ-ների կիրառման կանոնների նկատմամբ հսկողություն իրականացնող: 

ՀՅԴ ԳՄ անդամ, տնտեսագետ Արմեն Գրիգորյանը տնտեսությունում ստվերը կրճատելու՝ ՊԵԿ-ի պատրաստակամությունը ողջունում է,  բայց կարծում է, որ  ID քարտերով հարկման մեթոդը այս հարցում  լավ գործիք չէ և ռիսկեր է պարունակում: Ըստ նրա` չկա որևէ գործիքակազմ, թե տեխնիկական  ինչ  մեթոդներ են կիրառվելու հաշվառման համար:

Տնտեսագետը վտանգ է տեսնում նաև մարդկանց անձնական տվյալների հրապարակման առումով: «Խանութները պետք է զինված լինեն համապատասխան գործիքներով, որոնք պետք է կապված լինեն այն սերվերի հետ, որում ներդրված են ՀՀ քաղաքացիների անձնական տվյալները: Որքանո՞վ է  դա անվտանգ: Երկրորդ` «քեշբեքը» հատկացնելու են ծախսերից, բայց կարող է՝ ծախսն ավելին է, քան եկամուտները: Ասենք՝ մարդը տարեկան ստանում է մեկ միլիոն դրամ աշխատավարձ, բայց  ծախսում է մեկ միլիոն երկու հարյուր հազար դրամ, որովհետեւ ընտանիքի մեկ այլ անդամի քարտով էլ է առեւտուր անում: Տվյալ մարդուն կհարցնեն՝ որտեղի՞ց քեզ հավելյալ 200 հազար դրամը: Ուստի պարզ չէ՝ ի՞նչ մեխանիզմներով են այդ հաշվարկն անելու: ID քարտերով առեւտուր անելու դեպքում շատ եկամուտ ունեցողը շատ կկուտակի, քիչ եկամուտ ունեցողը՝ քիչ, ինչի հետևանքով բևեռացում կառաջանա: Կարծում եմ՝ շատ ստացողից պետք է հարկել շատ, իսկ քիչ ստացողից՝ քիչ»,- լրագրողների հետ զրույցում ասաց Գրիգորյանը` հիշեցնելով նաև, որ Հայաստանը տրանսֆերների հաշվին ապրող երկիր է:

«Հայրենիքը ձեզ չի մոռանա»
10 Դեկտեմբերի 2018, 10:14 «Հայրենիքը ձեզ չի մոռանա»
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica