close
Եղանակը Երևանում
24 Հունվարի 2019
-2°
+3°Ցերեկ
-3°Գիշեր
weather
close
Փոխարժեք
24 Հնվ 2019
USD1485.18
GBP1629.86
EUR1550.92
RUB17.33
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՔԿ-ին պարզաբանում կներկայացնեմ, որից դատողություններ կանեք. նորածնի մահվան գործն ուսումնասիրվում է

Հասարակություն

23 Հոկտեմբերի 2018, 13:11
 ՔԿ-ին պարզաբանում կներկայացնեմ, որից դատողություններ կանեք. նորածնի մահվան գործն ուսումնասիրվում է

Հոկտեմբերի 20-ին «Շենգավիթ» ԲԿ-ում նորածին է մահացել: Նորածնի հարազատները երեխայի մահվան մեջ մեղադրում են ծնունդն ընդունող բժշկին: Նրանք դիմել են պատկան մարմիններին:

Քննչական կոմիտեից տեղեկանում ենք, որ ամուսնուց հաղորդում են ստացել, որ կինը ծննդաբերել է, և ծննդաբերության ընթացքում, բժիշկների սխալի պատճառով, երեխան մահացել է: Հարուցվել է քրեական գործ՝ ՀՀ քրեական օրենսգրքի 130-րդ հոդվածի 2-րդ մասով։ Ձեռնարկվում են քննչական գործողություններ նորածնի մահվան պատճառները պարզելու ուղղությամբ: Նշանակվել է նաև դիակի դատաբժշկական փորձաքննություն, հիվանդանոցից առգրավվել է ծննդկանի հղիության քարտը: Նախաքննությունը շարունակվում է:

Yerkir.am-ի հետ զրույցում ծնունդն ընդունող բժիշկը՝ Արաքս Հակոբյանը, նշեց, որ չի ցանկանում որևէ պարզաբանում տրամադրել: «Ես քննչական կոմիտեին կներկայացնեմ պարզաբանում, որից ելնելով էլ՝ դատողություններ կարող եք անել»,- ասաց նա:

ՀՀ առողջապահության նախարար Արսեն Թորոսյանն էլ ֆեյսբուքյան իր էջում, անդրադառնալով դեպքին, գրել էր, որ այն իր ուշադրության կենտրոնում է: «Հոկտեմբերի 20-ին մահացած երեխայի դեպքի առթիվ հարուցված է քրեական գործ, և մենք մասնագիտական և անկողմնակալ աջակցություն ենք ցուցաբերելու իրավապահ մարմիններին՝ այդ ցավալի դեպքի բոլոր մանրամասները պարզելու հարցում։ Ցավակցում եմ մահացած երեխայի ծնողներին և բոլոր հարազատներին»,- գրել է նա։

Նոր նշանակումներ
23 Հունվարի 2019, 18:08 Նոր նշանակումներ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica