close
Եղանակը Երևանում
16 Նոյեմբերի 2018
+5°
+12°Ցերեկ
+5°Գիշեր
weather
close
Փոխարժեք
16 Նմբ 2018
USD1487.27
GBP1622.97
EUR1549.69
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԸՕ փոփոխությունների քվեարկությունը հետաձգվեց 17:30-ին. Բաբլոյանը չցանկացավ տապալել քվեարկությունը

Քաղաքական

22 Հոկտեմբերի 2018, 16:54
 ԸՕ փոփոխությունների քվեարկությունը հետաձգվեց 17:30-ին. Բաբլոյանը չցանկացավ տապալել քվեարկությունը

ԱԺ արտահերթ նիստում քննարկվում է կառավարության կողմից ներկայացված` Ընտրական օրենսգրքում փոփոխություններ կատարելու մասին օրենքի նախագիծը:

Նշենք, որ օրենքը սահմանադրական է, և հարկավոր է պատգամավորների ձայների 3/5-ը այսինքն` 63 քվե, որպեսզի օրենքի նախագիծն ընդունվի: ԱԺ «Ծառուկյան», «Ելք», ՀՅԴ խմբակցությունները հայտարարեցին, որ կողմ են ԸՕ փաթեթին, ՀՀԿ-ն հայտարարեց, որ դեմ է:

Այս պահին բավականին բուռն քննարկումներն ավարտվեցին: Նշենք, որ խմբակցությունները դեմ էին օրենքի հապշտապ ընդունմանը:

Քննարկումների ավարտից հետո ԱԺ նախագահ Արա Բաբլոյանը հայտարարեց, որ ԱԺ նախագահն ու փոխնախագահները պետք է լինեն ավելի բարձր, քան իրենց անձնական կամ կուսակցական շահն է պահաջում, երբ վարում ենք նիստը:

«Եթե ես նման տրամաբանությամբ գնայի, ապա, որպես պատգամավոր, որը ՀՀԿ անդամ է, ես կօգտագործեի առիթը. այս պահին նիստերի դահլիճում 57 պատգամավոր է նստած, կդնեի հարցը քվեարկության և կտապալեի օրենքի ընդունումը: Սակայն ես ընդունում եմ կառավարության առաջարկը` հետաձգել քվեարկությունը մինչև 17:30-ն, որպեսզի տամ հնարավորություն, որ, եթե կան մարդիկ, որ ցանկանում են քվեարկել, քվեարկեն»,- ասաց ԱԺ նախագահը:

Բաբլոյանի այս ռեպլիկն ուղղված էր ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանի հայտարարությանը, թե երբ ինքը մեկ անգամ բոյկոտել էր ԱԺ նիստը, Բաբլոյանն իրեն ասել էր, թե ԱԺ փոխնախագահը նման կերպ իրավունք չունի վարվելու, որ չպետք է հետապնդի նեղ կուսակցական շահ: «ԱԺ փոխնախագահներից Էդուարդ Շարմազանովը գործուղման է, իսկ ո՞ւր է մեր մյուս գործընկերը»,- ասել էր Մելքումյանը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica