close
Եղանակը Երևանում
17 Հունվարի 2019
-2°
+3°Ցերեկ
-3°Գիշեր
weather
close
Փոխարժեք
17 Հնվ 2019
USD1486.58
GBP1626.18
EUR1555.14
RUB17.29
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հավաստիացնում եմ՝ ձեզ հետ նոր Հայաստանում կերտելու ենք հիանալի ապագա. Հունան Պողոսյան

Քաղաքական

19 Հոկտեմբերի 2018, 16:44
 Հավաստիացնում եմ՝ ձեզ հետ նոր Հայաստանում կերտելու ենք հիանալի ապագա. Հունան Պողոսյան

 ՀՀ վարչապետի պաշտոնակատար Նիկոլ Փաշինյանը Սյունիքի մարզպետարանում հոկտեմբերի 19-ին ներկայացրեց  նորանշանակ մարզպետ Հունան Պողոսյանին: 

Փաշինյանը նախ լսեց հանդիպմանը ներկա համայնքների ներկայացուցիչներին, ապա նշեց, որ նախորդ հանդիպումից հետո մի շարք խնդիրներ իրենց լուծումն են ստացել: «Մեր վերջին հանդիպմանը մենք մի քանի հարցեր ենք քննարկել: Պետք է նշեմ, որ Մեղրիի մանկապարտեզի վերանորոգման համար  ֆինանսավորումն արդեն առկա է ամբողջությամբ»,- տեղեկացրեց նա:

Սյունիքի նորանշանակ մարզպետ Հունան Պողոսյանն էլ շնորհակալություն հայտնեց վարչապետին և կառավարությանը բարձր վստահության համար: «Ես ասել եմ և այսօր էլ գլուխս բարձր ասում եմ, որ աշխատելու եմ նոր Հայաստանում և մեծ սիրով ընդունել եմ այս առաջարկը: Մնացածն  արդեն կյանքը ցույց կտա: Հավաստիացնում եմ՝ ձեզ հետ միասին նոր Հայաստանում կերտելու ենք հիանալի ապագա: Միայն հավատով լցվեք: Ինձնից ուզում եմ, որ ակնկալեք նորմալ աշխատանք»,- ասաց նա:

ՀՀ տարածքային կառավարման և զարգացման նախարարի պաշտոնակատար Սուրեն Պապիկյանն էլ համայնքների ներկայացուցիչներին ներկայացրեց այն ընթացիկ ծրագրերը, որոնք առաջիկայում իրականացվել կամ իրականացվելու են մարզում: Նա նշեց, որ միայն Կապան քաղաքի բազմաբնակարան շենքերի տանիքների վերանորոգման  համար կառավարության կողմից հատկացվել է 253 միլիոն դրամ գումար: «Նախագծա-նախահաշվային փաստաթղթերն արդեն իսկ ավարտական փուլում են, մնացել են փաստաթղթավորման խնդիրները: Կապանի կամրջի հիմնանորոգման համար  24 միլիոն դրամ է հատկացվել»,- ընդգծեց նախարարը:

Ըստ նրա` ֆինանսավորման  հիմնական շեշտը դրվել էր Կապան խոշորացված համայնքի վրա, քանի որ մնացած բազմաբնակավայր համայնքներն հիմնականում իրենց տարածքներում ունեն հանքավայրեր, որոնք փոքրիշատե օգնում են համայնքներին:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica