close
Եղանակը Երևանում
19 Նոյեմբերի 2018
+7°
+10°Ցերեկ
+0°Գիշեր
weather
close
Փոխարժեք
19 Նմբ 2018
USD1485.09
GBP1624.17
EUR1554.26
RUB17.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լիբանանահայ երեք կուսակցությունների ներկայացուցիչները ժողով են գումարել Ազգային առաջնորդարանում

Աշխարհ

19 Հոկտեմբերի 2018, 14:12
 Լիբանանահայ երեք կուսակցությունների ներկայացուցիչները ժողով են գումարել Ազգային առաջնորդարանում

Աղբյուրը` Aztagdaily

Հինգշաբթի, 18 Հոկտեմբերի կէսօրին, լիբանանահայ երեք կուսակցութիւններու ներկայացուցիչները ժողով մը գումարեցին Ազգային Առաջնորդարանին մէջ` քննելու համար կառավարութեան կազմութեան հոլովոյթը եւ հայութեան ներկայացուցչութեան հարցը:

Ժողովականները ողջունեցին կառավարութեան կազմութեան համար ի գործ դրուող ճիգերը` յուսալով որ անոնք կ’արդիւնաւորուին ամէնէն արագ միջոցին` երկիրը դուրս բերելով քաղաքական ներկայ տագնապէն: Անոնք նաեւ շեշտեցին անհրաժեշտութիւնը ազգային համախոհութեան եւ համայնքային հաւասարակշռութեան հիմերով կառավարութեան մը կազմութեան, ուր յարգուած ըլլան Թաէֆի համաձայնութեամբ ճշդուած պայմանները եւ երկրի բաղկացուցիչ բոլոր համայնքներուն արդար ներկայացուցչութիւնը ապահովող չափանիշները:

Այս առիթով, ժողովականները խոր մտահոգութիւն յայտնեցին վերջին օրերուն շրջանառութեան մէջ դրուած այն տեղեկութիւններուն մասին, որոնք 30 հոգինոց կառավարութեան մը մէջ կը նախատեսեն միայն մէկ հայ առաքելական նախարար, երկրորդ նախարարի համար նկատի ունենալով փոքրամասնութիւններու ներկայացուցիչ մը:

Ժողովականները իրենց նախանձախնդրութիւնը յայտնեցին, ինչպէս բոլոր համայնքներու, նաեւ հայ համայնքի արդար իրաւունքներուն պահպանման եւ առ այդ` մերժեցին ընդունիլ համայնքին դէմ գործուելիք այս անիրաւութիւնը:

Ժողովի աւարտին, ներկաները կոչ ուղղեցին կառավարութեան կազմութեան մասնակից քաղաքական բոլոր ուժերուն` յարգելու հայ համայնքին արդար իրաւունքները եւ ապահովելու անոր ճշգրիտ ներկայացուցչութիւնը նոր կառավարութեան մէջ:

Սպասվում են տեղումներ
19 Նոյեմբերի 2018, 18:01 Սպասվում են տեղումներ
ՊԵԿ-ը պարզաբանում է
19 Նոյեմբերի 2018, 16:55 ՊԵԿ-ը պարզաբանում է
Պուտինը Ստամբուլում է
19 Նոյեմբերի 2018, 16:07 Պուտինը Ստամբուլում է
Կառավարության նիստն` ուղիղ
19 Նոյեմբերի 2018, 15:06 HES_VIDEOԿառավարության նիստն` ուղիղ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica