close
Եղանակը Երևանում
22 Նոյեմբերի 2018
+7°
+10°Ցերեկ
+5°Գիշեր
weather
close
Փոխարժեք
22 Նմբ 2018
USD1484.29
GBP1618.87
EUR1551.32
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Բնակարան երիտասարդ ընտանիքներին» նախագծում լրացուցիչ խոչընդոտներ կան. տնտեսագետ

Տնտեսական

18 Հոկտեմբերի 2018, 17:34
 «Բնակարան երիտասարդ ընտանիքներին» նախագծում լրացուցիչ խոչընդոտներ կան. տնտեսագետ

«Բնակարան երիտասարդ ընտանիքներին» նախագծով նախատեսվում է բնակարանի ձեռք բերման կանխավճարը նվազեցնել` դարձնել 10%, եթե գրավադրվում է երկրորդ բնակարան: Այսօր լրագրողների հետ զրույցում ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը կարծիք հայտնեց, որ այս կետը լրացուցիչ խոչընդոտ է երիտասարդների համար:

««Բնակարան երիտասարդ ընտանիքներին» նախագծով նախատեսվում է երիտասարդ ընտանիքի անդամների տարիքի հանրագումարը 65-ից դարձնել 70 տարեկան, ինչպես նաև եթե նախկինում նախատեսված էր 30 տոկոս կանխավճար, հիմա սահմանվում է 10 տոկոս, սակայն եթե երկրորդ բնակարան է գրավադրվում: Այս մոտեցումը շատ քիչ հավանական, նույնիսկ` անտրամաբանական է, քանի որ այդ նույն ընտանիքը եթե ունենար բնակարան, կշարունակեր ապրել այդտեղ: Դա լրացուցիչ դժվարություն, լրացուցիչ խոչընդոտ է երիտասարդ ընտանիքների համար բնակարան կամ բնակարանի վարկ ձեռք բերելիս»,- ասաց նա:

Պարսյանը նշեց, որ ողջունելի է երիտասարդ ընտանիքների համար իջեցնել հիփոթեքային վարկի տոկոսադրույքը` սահմանելով այն 5.5-6 տոկոս: «Վարկի տոկոսադրույքի իջեցումը կարևոր է հիփոթեքային վարկերի ծավալն ավելացնելու համար, սակայն սա բավարար չէ, որ հիփոթեքային վարկեր վերցնող երիտասարդների թիվն ավելանա: Հայաստանում բնակարանի կարիք ունեցող երիտասարդները չեն վերցնում վարկ ոչ թե այն պատճառով, որ տոկոսադրույքներն են բարձր, այլ որ ամեն ամիս մարվող գումարն է մեծ»,- ասաց նա:

Տնտեսագետի խոսքով` եթե կառավարությունը ցանկանում է լուծել երիտասարդների բնակարանների հարցը, պետք է առաջնահերթ մտածի աշխատավարձերի բարձրացման մասին, քանի որ Հայաստանում ունենք աշխատող աղքատներ:

Կառավարության նիստը` ուղիղ
22 Նոյեմբերի 2018, 12:08 HES_VIDEOԿառավարության նիստը` ուղիղ
Բյուջեի նախագիծն ընդունվեց
22 Նոյեմբերի 2018, 11:43 Բյուջեի նախագիծն ընդունվեց
Ազգային ժողովի նիստն` ուղիղ
22 Նոյեմբերի 2018, 11:01 HES_VIDEOԱզգային ժողովի նիստն` ուղիղ
 Ապաշխարանք
21 Նոյեմբերի 2018, 22:24 Ապաշխարանք
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica