close
Եղանակը Երևանում
19 Նոյեմբերի 2018
+7°
+10°Ցերեկ
+0°Գիշեր
weather
close
Փոխարժեք
19 Նմբ 2018
USD1485.09
GBP1624.17
EUR1554.26
RUB17.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արդեն լողացրել ենք, կերակրել. Գյումրու մանկատան բակում հայտնաբերված նորածինների ծնողներին փնտրում են

Հասարակություն

18 Հոկտեմբերի 2018, 11:55
 Արդեն լողացրել ենք, կերակրել. Գյումրու մանկատան բակում հայտնաբերված նորածինների ծնողներին փնտրում են

Երեկ երեկոյան Գյումրու «Ֆրիտյոֆ Նանսենի անվան երեխաների խնամքի պաշտպանության թիվ 2 գիշերօթիկ հաստատության» պահակը բակում պոլիէթիլենային տոպրակի մեջ հայտնաբերել է նորածին երկու տղաների։

Yerkir.am-ի հետ զրույցում հաստատության տնօրենը՝ Անահիտ Կարապետյանը, նշեց, որ երեկ հաստատության պահակը պատուհանից դռան մոտ դեղին պոլիէթիլենային տոպրակ է տեսել ու իջել է ներքև՝ հասկանալու, թե ինչ է դա: «Տոպրակը բացել ու երկու նորածին է տեսել: Այնուհետև դիմել է պատկան մարմիններին, որպեսզի գան ու իրավիճակին ծանոթանան: Մեզ մոտ էլ ակտ ենք կազմել: Երեխաները մոտ 10 օրական են»,- ասաց Կարապետյանը:

Նա տեղեկացրեց նաև, որ երեխաներն իրենց մոտից տեղափոխվել են համապատասխան այլ կառույց: Կարապետյանի խոսքով՝ սա նման առաջին դեպքն էր:

Շիրակի մարզպետարանի ընտանիքի, կանանց, երեխաների իրավունքների պաշտպանության բաժնի պետ Լիլիթ Գորգինյանն էլ Yerkir.am-ին տեղեկացրեց, որ գիշերն ինքն էլ այցելել է հաստատություն ու տեսել երեխաներին: «Տեղյակ ենք պահել հոգաբարձության խնամակալության հանձնաժողովին, հանձնաժողովի ներկայացուցիչը՝ ես, երեկ տեղում եմ եղել: Կազմվել է արձանագրություն երեխայի հայտնաբերման մասին, որից հետո անմիջապես երեխաները տեղավորվել են համապատասխան հաստատություն, որտեղ նորածնային տարիքի երեխաների համար կարող է տարվել խնամք: Այնտեղ երեխաներին լողացրել են, կերակրել, հարմարավետ տեղավորել: Արտաքնապես առողջ են, որևէ անխնամ կամ անտեսված հետքեր չկան»,- ասաց Գորգինյանը:

Նա նշեց նաև, որ այսօր երեխաները նաև բժշկական հետազոտության կենթարկվեն՝ նրանց առողջական վիճակի մասին առավել մանրամասն տեղեկանալու համար:

Իսկ թե ովքե՞ր են նորածինները և ինչո՞ւ են հայտնվել դրսում՝ կպարզի նախաքննական մարմինը: Գորգինյանի խոսքով՝ իրենք էլ են խիստ շահագրգիռ, որպեսզի իմանան, թե ովքեր են ծնողները:

Հարցին, թե ի՞նչ կլինի, եթե երեխայի ծնողներն այդպես էլ չհայտնաբերվեն, նա պատասխանեց, որ օրենքը հետագա քայլերը հստակ սահմանում է: «Եթե երեք ամսվա ընթացքում ոստիկանությունը չի հայտնաբերում ծնողներին, համապատասխան գրություն է տալիս այդ մասին: Այնուհետև երեխան՝ որպես ընկեցիկ, արդեն պետության կողմից հաշվառվում է որպես որդեգրման ենթակա երեխա և, ըստ կարգի, հանձնվում պետության խնամքին: Այսինքն՝ նրա իրավունքների պաշտպանության ամբողջ սպեկտրն առաջ է գնում»,- պարզաբանեց Գորգինյանը:

Ըստ նրա` սակայն հնարավոր են նաև այլ լուծումներ, այսինքն՝ հնարավոր է  նորածինների ծնողները հայտնաբերվեն, երեխաները վերադարձվեն ծնողներին: «Նախաքննությունը դեռ պետք է պարզի հանգամանքը՝ ինչո՞ւ են թողել երեխային խնամքի պաշտպանության կենտրոնի բակում, կամ ո՞վ իմանա, գուցե ծնողներն էլ ինչ-որ տեղ վտանգի մեջ են»,- ասաց Գորգինյանը:

Նա հավելեց նաև, որ Շիրակի մարզում նման դեպքեր, բարեբախտաբար, վերջին տարիներին տեղի չեն ունեցել. Շիրակում վերջին անգամ դրսում երեխա են հայտնաբերել 8-9 տարի առաջ:

Սպասվում են տեղումներ
19 Նոյեմբերի 2018, 18:01 Սպասվում են տեղումներ
ՊԵԿ-ը պարզաբանում է
19 Նոյեմբերի 2018, 16:55 ՊԵԿ-ը պարզաբանում է
Պուտինը Ստամբուլում է
19 Նոյեմբերի 2018, 16:07 Պուտինը Ստամբուլում է
Կառավարության նիստն` ուղիղ
19 Նոյեմբերի 2018, 15:06 HES_VIDEOԿառավարության նիստն` ուղիղ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica