close
Եղանակը Երևանում
17 Նոյեմբերի 2018
+5°
+11°Ցերեկ
+5°Գիշեր
weather
close
Փոխարժեք
17 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երևանի ավագանու անդամներ Սրբուհի Ղազարյանն ու Նիկոլայ Բաղդասարյանը վայր են դնում մանդատները

Քաղաքական

15 Հոկտեմբերի 2018, 13:09
 Երևանի ավագանու անդամներ Սրբուհի Ղազարյանն ու Նիկոլայ Բաղդասարյանը վայր են դնում մանդատները

Երևանի ավագանու «Իմ քայլը» դաշինքի խմբակցության անդամ Սրբուհի Ղազարյանը և Նիկոլայ Բաղդասարյանը հրաժարվում են մանդատներից: Նշենք, որ Սրբուհի Ղազարյանը ցուցակում երկրորդն է, իսկ Նիկոլայ Բաղդասարյանը` 15-րդ:

Սրբուհի Ղազարյանը վարչապետի խորհրդականն է, Նիկոլայ Բաղդասարյանն էլ հասարակական հիմունքներով է վարչապետի խորհրդականը:

Yerkir.am-ի հետ զրույցում Սրբուհի Ղազարյանը մանդատից հրաժարվելը բացատրեց նրանով, որ ցանկանում է շարունակել իր աշխատանքը կառավարությունում: «Ես վարչապետի խորհրդականն եմ, ուզում եմ շարունակել իմ այդ աշխատանքը»,- ասաց նա:

Ղազարյանը հայտնեց, որ օրենքի արգելք կա, և որ երկու աշխատանքներն անհամատեղելի են: «Պետք է օրենքով շարժվել և որոշում կայացնել` կա'մ այստեղ, կա'մ այնտեղ: Որոշում եմ կայացրել շարունակել իմ աշխատանքը կառավարությունում»,- ասաց նա:

Նիկոլայ Բաղդասարյանն էլ մեզ հետ զրույցում ասաց, որ բավականին լավ թիմ է ձևավորվել, և պետք է հնարավորություն տալ երիտասարդներին աշխատելու: «Մանդատը վայր դնել` չի նշանակում, որ իրենց հետ չեմ աշխատելու: Պայմանավորվել ենք, որոշակի չափանիշներով աշխատելու եմ իրենց հետ: Մանդատից հրաժարվելը պայմանավորված է նաև գործադիր-ՏԻՄ շահի հնարավոր բախմանը բացառմամբ»,- նշեց նա:

Հիշեցնենք, որ «Իմ քայլը» դաշինքի ցուցակով ավագանու 4-րդ համար Տրդատ Սարգսյանն էլ նշանակվել էր Վայոց ձորի մարզպետ:

Այսպիսով` մանդատներից հրաժարվողներին ըստ ցուցակի հաջորդականության կարող են փոխարինել` Ղալեչյան Արմեն (ՔՊԿ), Գալջյան Արմեն (ՔՊԿ), Մարության Արփենիկ Հարությունի (ՔՊԿ), Գևորգյան Վահե Արմենակ (անկուս.), Երիցյան Գրիգորի Աշոտի (անկուս.):

Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
Հարցեր՝ Իշխան Սաղաթելյանին
17 Նոյեմբերի 2018, 11:12 Հարցեր՝ Իշխան Սաղաթելյանին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica