close
Եղանակը Երևանում
22 Հոկտեմբերի 2018
+17°
+20°Ցերեկ
+11°Գիշեր
weather
close
Փոխարժեք
22 Հոկ 2018
USD1484.13
GBP1630.63
EUR1556.80
RUB17.41
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գյուղնախարարությունում ներկայացվել է «Անասնաբուծության զարգացման ընդլայնումը հարավից հյուսիս» ծրագիրը

Տնտեսական

26 Սեպտեմբերի 2018, 17:00
 Գյուղնախարարությունում ներկայացվել է «Անասնաբուծության զարգացման ընդլայնումը հարավից հյուսիս» ծրագիրը

ՀՀ գյուղատնտեսության նախարար Արթուր Խաչատրյանն այսօր ընդունել է Շվեյցարական համագործակցության գրասենյակի միջազգային համագործակցության ղեկավար Զառա Ալավերդյանին` գյուղատնտեսության ոլորտում համատեղ ծրագրերի ընթացքը և անասնապահության ոլորտի հետագա զարգացմանն ուղղված նոր ծրագիրը քննարկելու նպատակով:

«Անասնաբուծության զարգացման ընդլայնումը հարավից հյուսիս» եռամյա ծրագիրը մեկնարկել է 2017 թվականի դեկտեմբեր ամսին, իրականացվում է Զարգացման և համագործակցության Շվեյցարիայի գործակալության և Ավստրիական զարգացման գործակալության աջակցությամբ «Ռազմավարական զարգացման գործակալություն» ՀԿ-ի կողմից Շիրակի, Լոռու, Տավուշի և Գեղարքունիքի մարզերի 88 գյուղական բնակավայրերում: Ծրագրի հիմնական նպատակն է նպաստել Հայաստանի հյուսիսային մարզերում անասնապահությամբ զբաղվող համայնքների կայուն գյուղատնտեսական աճին, անասնապահությամբ զբաղվող ֆերմերների համար կաթի ու մսի արժեշղթաների զարգացմանը, անասնաբուծական արտադրանքի արտահանման հնարավորությունների ընդլայնմանը:

Հանդիպման ընթացքում անդրադարձ է կատարվել նաև Զարգացման և համագործակցության Շվեյցարիայի գործակալության աջակցությամբ Սյունիքի և Վայոց ձորի մարզերի 100 գյուղական համայնքներում իրականացվող «Անասնապահության զարգացում Հայաստանի հարավում» ծրագրին (2014-2020 թթ.):

ՀՀ գյուղատնտեսության նախարարության տեղեկատվության և հասարակայնության հետ կապերի բաժին

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica