close
Եղանակը Երևանում
21 Հոկտեմբերի 2018
+16°
+21°Ցերեկ
+11°Գիշեր
weather
close
Փոխարժեք
21 Հոկ 2018
USD1483.80
GBP1630.39
EUR1554.58
RUB17.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հույս ունեմ՝ յուրաքանչյուրը խղճի մտոք է քվեարկելու. Միքայել Մանուկյանը կատարեց իր ընտրությունը

Քաղաքական

23 Սեպտեմբերի 2018, 11:03
 Հույս ունեմ՝ յուրաքանչյուրը խղճի մտոք է քվեարկելու. Միքայել Մանուկյանը կատարեց իր ընտրությունը

ՀՅ Դաշնակցության քաղաքապետի թեկնածու Միքայել Մանուկյանն այցելեց Խնկո Ապոր անվան գրադարանում տեղակայված ընտրատեղամաս և կատարեց իր ընտրությունը՝ հանուն բարեկեցիկ, կանաչապատ, միասնական ու համերաշխ Երևանի:

Մանուկյանի խոսքով՝ քարոզարշավի ընթացքը բավարար էր, քանի որ մի փոքր ավելի շատ քաղաքականացվեց ընտրությունների ընթացքը: «Վարչապետի մասնակցությունը քարոզարշավին ավելի քաղաքական բնույթ հաղորդեց և մի փոքր շեղեց ընտրությունների ընթացքը: Վարչապետը խնդիր դրեց, որ, ընտրելով իր թիմի առաջադրած թեկնածուին, իրեն վստահության քվե կհայտնեն, ինչը, կարծում եմ, վարչական լծակի օգտագործում էր»,- ասաց նա:

Ըստ Մանուկյանի՝ քարոզարշավի մեկնարկին թիրախավորումներ եղան, հիշեցին իր անձի հետ կապված ինչ-որ պատմություններ, որոնք իրականում որևէ կապ չունեին իր հետ, անգամ գրեցին, որ դուրս է եկել ընտրապայքարից:

ՀՅԴ քաղաքապետի թեկնածուի կարծիքով` քաղաքացին այսօր բարձր իրավագիտակցություն ունի: Մանուկյանը հույս ունի, որ յուրաքանչյուրը խղճի մտոք է քվեարկելու: «Շատ լավ մթնոլորտ է տիրում ընտրատեղամասերում, ոչ մի խնդիր դեռևս չի եղել: Ամեն ինչ իր բնականոն հունով գնում է»,- ասաց նա:

Մանուկյանը պատրաստակամություն հայտնեց, որ, անկախ ընտրությունների արդյունքից, պատրաստ է համագործակցել հաղթող ուժի հետ:

Հարցին, թե հնարավո՞ր է՝ ՀՅԴ-ն կոալիցիա կազմի հաղթող ուժի հետ, նա պատասխանեց, որ ընտրությունների ավարտից հետո ամեն ինչ պարզ կլինի:

Սպասվում է անձրև
20 Հոկտեմբերի 2018, 18:00 Սպասվում է անձրև
7 օր առաջնագծում
20 Հոկտեմբերի 2018, 14:30 7 օր առաջնագծում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica