close
Եղանակը Երևանում
13 Դեկտեմբերի 2018
+4°
+6°Ցերեկ
+1°Գիշեր
weather
close
Փոխարժեք
13 Դեկ 2018
USD1485.12
GBP1608.05
EUR1549.84
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Բռնապետերը չեն կարող Ֆրանսիա արտահանել իրենց գրաքննությունը». ֆրանսիական դատարանը մերժել է Ադրբեջանի հայցը

Աշխարհ

20 Սեպտեմբերի 2018, 13:17
 «Բռնապետերը չեն կարող Ֆրանսիա արտահանել իրենց գրաքննությունը». ֆրանսիական դատարանը մերժել է Ադրբեջանի հայցը

Երեկ` սեպտեմբերի 19-ին, Վերսալի վճռաբեկ դատարանն արտառոց հայցով որոշում է կայացրել և ուժի մեջ թողել 2017-ին Նանտերի դատարանի կայացրած որոշումը: Երկրի պատմության մեջ առաջին անգամ օտար պետությունը դատի էր տվել ֆրանսիացի լրագրողների. Ադրբեջանի իշխանությունները դատական հայց էին ներկայացրել 2015-ի սեպտեմբեր 27-ին Cash Investigation հեռուստահաղորդման ժամանակ իրենց հասցեին հնչած` «բռնապետություն», «բռնապետ», «աշխարհի ամենախիստ բռնապետություններից մեկը» ձևակերպումների համար և լրագրողներին մեղադրել դիֆամացիայի` անվանարկման մեջ: Ըստ Le Monde-ի` ֆրանսիական դատարանները Բաքվի հայցը վարույթ չեն ընդունել:

Հեռուստահաղորդման ժամանակ ցուցադրվել էր Ֆրանսիայի այն ժամանակվա նախագահ Ֆրանսուա Օլանդի արտասահմանյան այցերի ընթացքում «կուլիսային հանդիպումների» մասին երկժամանոց ֆիլմ, որում հեղինակները` Լորան Ռիշարը, էլիզ Լյուսեն և այլք, մի քանի անգամ Իլհամ Ալիևը ռեժիմը որակում են որպես բռնապետական և հայտարարում, որ ամերիկյան պետդեպարտամենտի դիվանագիտական նամակագրության մեջ նշվում է, որ Իլհամ Ալիևը «կնքահայր է` երկիրը ղեկավարում է Կորլեոնեի նման»:

Ֆիլմի ցուցադրությունից 2 օր անց ֆրանսիացի փաստաբանը, ներկայացնելով Ադրբեջանի շահերը, դիֆամացիայի մասին հայց է ներկայացնում դատարան ընդդեմ France Télévisions խմբի նախագահի և ֆիլմը պատրաստած լրագրողների:

Վերսալի վճռաբեկ դատարանը վճռել է, որ 1881 թվականին ընդունված` մամուլի ազատության մասին օրենքի համաձայն` «օտար պետությունը չի կարող դիֆամացիայի մասին հայց ներկայացնել» Ֆրանսիայում:

Էլիզ Լյուսեի փաստաբանը հայտարարել է, որ Վճռաբեկ դատարանի որոշումը երաշխավորում է լրագրողների` արտահայտվելու ազատությունը, նրանք ազատորեն կարող են քննադատել չարաշահումները, որ իրականացնում են բռնապետերը: «Բռնապետերը չեն կարող Ֆրանսիա արտահանել իրենց գրաքննությունը»,- հավելել է Լորան Ռիշարի փաստաբանը:

 

Այնտեղ` Սև ծովի ափին ...
12 Դեկտեմբերի 2018, 23:06 Այնտեղ` Սև ծովի ափին ...
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica