close
Եղանակը Երևանում
19 Սեպտեմբերի 2018
+21°
+26°Ցերեկ
+14°Գիշեր
weather
close
Փոխարժեք
19 Սեպ 2018
USD1484.37
GBP1635.69
EUR1565.50
RUB17.15
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թե մանրածախ շուկայում գներն ինչ մետամորֆոզ են ապրում, գյուղատնտեսության նախարարության լիազորություններից դուրս է. նախարար

Հասարակություն

7 Սեպտեմբերի 2018, 15:34
 Թե մանրածախ շուկայում գներն ինչ մետամորֆոզ են ապրում, գյուղատնտեսության նախարարության լիազորություններից դուրս է. նախարար

Արմավիրում խաղողի մթերման գներից բողոքող խաղողագործների հետ հանդիպումից հետո հարցի վերաբերյալ գյուղնախարարը զեկուցել է վարչապետին: Լրագրողների հետ զրույցում գյուղատնտեսության նախարար Արթուր Խաչատրյանը նշեց, որ գյուղացիները 7 տարվա երկարաժամկետ պայմանագիր ունեն, որում նվազագույն գինը նշված է 130 դրամ:

Հարցին` այս պահին ի՞նչ գնով է հնարավոր մթերման համար խաղող վաճառել, նախարարը պատասխանեց, որ պետությունը ձեռնպահ է մնում մթերողներին որևէ գին թելադրելուց: «Որևէ մեկը չի կարող այս հարցին պատասխանել: Պետությունը ձեռնպահ է մնում մթերողին որևէ գին թելադրելուց, քանի որ բանակցային կարողությունները խաղող մշակողների և մթերողների միջև անհամաչափ են, և չկա հատուկ օղակ: Մենք փորձում ենք գնորդին ու վաճառողին օգնել, որպեսզի շուկան ընդհանուր` բոլորի կողմից ընդունելի գին ձևավորի»,- պարզաբանեց նա:

Ինչ վերաբերում է գյուղմթերքի թանկացումներին, Խաչատրյանը նշեց, որ իրենց համար ուղենիշայինը Հովտաշատի մեծածախ շուկայի գներն են: «Թե մանրածախ շուկայում գներն ինչ մետամորֆոզ են ապրում, դա գյուղատնտեսության նախարարության սահմաններից դուրս է: Ընդհանրապես, գնային քաղաքականությունը գյուղնախարարության լիազորություններից դուրս է, դա այլ հարթակում քննարկելու խնդիր է»,- ասաց նա:

Նախարարն ընդգծեց, որ ձևավորված է  որոշակի գին, և այն գյուղացիները, ովքեր վաճառք են իրականացնում, բնականաբար, այդ ուղենիշային գնով են առաջնորդվում:

Հարցին` նվազ բերքի խնդիր չի՞ եղել, նախարարն արձագանքեց. «Եղել է. 2 հիմնական մշակաբույս կա, որոնց քանակը պակասել է, հիմնականը լոլիկն է: Կարծիք կա, որ եղանակն է պատճառը եղել: Ձմերուկի հետ էլ խնդիր կար, բայց այն կարգավորվել է, հիմա ձմերուկի միջին գնից շեղում չկա: Հիմնական հարվածը եղել է լոլիկի վրա»:

Երազում տեսած Հայաստանս
19 Սեպտեմբերի 2018, 12:17 Երազում տեսած Հայաստանս
Երևանյան օրերի խրոնիկա
18 Սեպտեմբերի 2018, 17:38 Երևանյան օրերի խրոնիկա
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica