close
Եղանակը Երևանում
14 Նոյեմբերի 2018
+7°
+9°Ցերեկ
+5°Գիշեր
weather
close
Փոխարժեք
14 Նմբ 2018
USD1487.96
GBP1632.69
EUR1549.93
RUB17.21
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դա անձնական հարաբերությունների խնդիր է. Փաշինյանը` Քոչարյան-Պուտին զանգի մասին

Քաղաքական

4 Սեպտեմբերի 2018, 14:02
 Դա անձնական հարաբերությունների խնդիր է. Փաշինյանը` Քոչարյան-Պուտին զանգի մասին

ՀՀ վարչապետ Նիկոլ Փաշինյանը քաղաքական ենթատեքստ չի տեսնում ՌԴ նախագահ Վլադիմիր Պուտինի` ՀՀ երկրորդ նախագահ Ռոբերտ Քոչարյանի ծնունդը շնորհավորելու մեջ: Այս մասին այսօր լրագրողների հետ զրույցում ասաց Փաշինյանը:

«Ոչ, դա անձնական հարաբերությունների խնդիր է: Ընդհանրապես, հասցնելով ճանաչել ՌԴ նախագահին, կարող եմ ասել, որ նա մարդկային կապերը գնահատում և պահպանում է աշխարհի տարբեր երկրների ներկայիս և նախկին նախագահների հետ»,- ասաց նա:

Դիտարկմանը` տասը տարի չէր շնորհավորել, վարչապետն արձագանքեց, որ վիճակագրությանը չի հետևել:

Ինչ վերաբերում է Լավրովի հայտարարությանը, թե Հայաստանում ներքաղաքական իրավիճակը շարունակում է «եռալ», նա ասաց. «Այսօր շոգ էր բավականին, իսկապես»:

Փաշինյանը «աբսուրդ» որակեց մամուլում հայտնված այն լուրերը, թե ինքը առաջին նախագահ Լևոն Տեր-Պետրոսյանին նախագահի պաշտոնում է տեսնում: «Եկեք աբսուրդ բաներ չխոսենք, ՀՀ նախագահն ընտրվել է այս տարվա մարտին և դեռ 7 տարի էլ պետք է պաշտոնավարի»,- նշեց նա:

Դիտարկմանն էլ` քննարկման առարկա է դարձել նրա` Արցախի Հանրապետության օրն այնտեղ չգտնվելու փաստը, Փաշինյանը պատասխանեց. «Դրանից մեկ շաբաթ առաջ էի այնտեղ, և Արցախի նախագահն ասաց, որ նման բան դեռ չի եղել, որ Հայաստանի գործող ղեկավարը երեք ամսվա ընթացքում երեք անգամ լինի Ստեփանակերտում: Կարծում եմ` ՀՀ-ն շատ բարձր մակարդակով ներկայացված էր` ՀՀ նախագահ, փոխվարչապետ, անվտանգության խորհրդի քարտուղար և այլն»:

Սպասվում է անձրև
14 Նոյեմբերի 2018, 18:03 Սպասվում է անձրև
Եվս մեկ շաբաթ անորոշություն
14 Նոյեմբերի 2018, 17:26 Եվս մեկ շաբաթ անորոշություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica