close
Եղանակը Երևանում
14 Նոյեմբերի 2018
+5°
+9°Ցերեկ
+5°Գիշեր
weather
close
Փոխարժեք
14 Նմբ 2018
USD1487.96
GBP1632.69
EUR1549.93
RUB17.21
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ինչպես է ազատ արձակվել Վստրեչի Ապերը

Իրավունք

30 Օգոստոսի 2018, 11:10
 Ինչպես է ազատ արձակվել Վստրեչի Ապերը

Մեկ ամիս առաջ Դուբայի իրավապահների կողմից ձերբակալված գործարար, Վստրեչի Ապեր մականվամբ հայտնի Արամ Վարդանյանն ազատության մեջ է: Այս տեղեկությունը Yerkir.am-ի հետ զրույցում հաստատեց Վարդանյանի պաշտպան Լուսինե Սահակյանը:

Մեր տեղեկություններով, սակայն Արամ Վարդանյանը չի կարող ինքնակամ լքել Արաբական Միացյալ Էմիրությունների տարածքը` նախքան նրան` Հայաստանին հանձնելը:

Ավելին, պարզվում է` Արամ Վարդանյանը ցանկություն հայտնել է վերադառնալ Հայաստան, սակայն նրան թույլ չեն տվել` պատճառաբանելով, որ արտահանձնման գործընթացը դեռ ընթացքի մեջ է: Այնուամենայնիվ, ԱՄԷ-ի իրավասու մարմինները թույլ են տվել նրան մնալ ազատության մեջ` նախքան նրան արտահանձնելը:

Հիշեցնենք, որ Արամ Վարդանյանին մեղադրանք էր առաջադրվել և նրա նկատմամբ միջազգային հետախուզում հայտարարվել ՀՀ ՔՕ 131-րդ հոդվածի 2-րդ մասի 1-ին կետի հատկանիշներով հարուցված մի քր գործի շրջանակերում:

Նշենք, որ հունիսի 4-ին մի քաղաքացի ոստիկանությունում հաղորդում էր տվել, որ 2017 թվականի հուլիսի 17-ին Նորագավիթ թաղամասում մի սուպերմարկետի մոտից «Վստրեչի ապեր» մականվամբ Արամ Վարդանյանը և մի խումբ անձինք, նախնական համաձայնությամբ, բռնություն գործադրելով առևանգել են իրեն, տեղափոխել Վարդանյանին պատկանող Արցախի փողոցի մի շինություն, տևական ժամանակ իր կամքին հակառակ պահել այնտեղ, ծեծի ենթարկել ու մարմնական վնասվածքներ պատճառել:

Այս գործի շրջանակներում ներկայումս կալանքի տակ է Գարեգին Իսկանդարյանը: Նրան քրեական օրենսգրքի 131-րդ հոդվածի 1-ին մասի 2-րդ կետի հատկանիշներով մեղադրանք առաջադրվեց:

Ավելի վաղ ոստիկանությունը հաղորդագրություն էր տարածել` կոչ անելով Արամ Վարդանյանի և Գարեգին Իսկանդարյանի հանցավոր գործունեությունից տուժած քաղաքացիներին դիմել ոստիկանություն:

Այս հաղորդագրությունից հետո հայտարարությամբ էին հանդես եկել Արամ Վարդանյանի ու Գարեգին Իսկանդարյանի պաշտպաններ Լուսինե Սահակյանն ու Երվանդ Վարոսյանը` կոչ անելով ոստիկանապետ Վալերի Օսիպյանին` չառաջնորդվել Արամ Վարդանյանի հետ նախկինում ունեցած անձնական կոնֆլիկտով:

Սպասվում է անձրև
14 Նոյեմբերի 2018, 18:03 Սպասվում է անձրև
Եվս մեկ շաբաթ անորոշություն
14 Նոյեմբերի 2018, 17:26 Եվս մեկ շաբաթ անորոշություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica